له‌به‌غداوه هێرش ده‌كرێته سه‌ر بارزانی و پارتی و په‌كه‌كه
ئه‌سكه‌نده‌ری وتوت ئه‌ندامی لێژنه‌ی ئاسایش و به‌رگری له‌په‌رله‌مانی عێراق هێرش ده‌كاته سه‌ر پارتی و په‌كه‌كه، تۆمه‌تباری ده‌كات به‌وه‌ی له‌ژێر فه‌رمانی بارزانی دیانه‌وێت هه‌رێمێكی تر له سنوری شاخاویه‌كانی باكوری عێراق دروست بكه‌ن و ده‌لێت، ئه‌مه پیلانێكی ئیسرائیلیه، كه پارتی و په‌كه‌كه به‌فه‌رمانی بارزانی كاری له‌سه‌ر ده‌كه‌ن”.
هه‌روه‌ها ئه‌و ئه‌ندامه‌ی لێژنه‌ی ئاسایشی و به‌رگری له‌په‌رله‌مانی عێراق به‌كه‌ناڵی نه‌هره‌ینی راگه‌یاندووه، كه پێكهێنانی هه‌رێمێك له قه‌ندیل له‌ژێر ناوی هه‌رێمی قه‌ندیل له‌سه‌ر فه‌رمانی بارزانیه، كه له‌پشت بارزانیش ئامانجی ئیسرائیلی هه‌یه، ده‌شلێـ، پارتی و په‌كه‌كه به‌رده‌وام وا خۆیان پێشان ده‌ده‌ن كه دژی یه‌كه‌ن، به‌ڵام ئه‌مه درۆیه، له‌ژێره‌وه بارزانی به‌رده‌وامه له‌هاوكاری په‌كه‌كه و پڕ چه‌ك كردنیان و پارستنیان له شاخه‌كانی باكوری عێراق، هه‌روه‌ها ده‌شلێت پێكهێنانی ئه‌و هه‌رێمه مه‌به‌ستی گه‌وره‌ی له‌پشته، پیلانێكی مه‌ترسیداره له‌سه‌ر عێراق”.
هه‌روه‌ها ئاماژه به‌وه‌ش ده‌كات، كه بارزانی مه‌شقی سه‌ربازی به‌هێزی په‌كه‌كه‌وه ده‌كات و پرچه‌كیان ده‌كات و له‌ئێستاشدا گه‌ریلای په‌كه‌كه ره‌وانه‌ی كه‌ركووك ده‌كات، وه هه‌روه‌ها ده‌شلێت له‌رێگای هێزی خۆبه‌خشیش هێرشی كردۆته سه‌ر سوپایی عێراقی له دوزخورماتوو، ده‌شلێت بۆیه ده‌بێت حكومه‌تی عێراق به‌هاوكاری و هاوئاهه‌نگی له‌گه‌ڵ توركیا په‌كه‌كه له‌ناو ببه‌ن، رێگری له‌و هه‌رێمه بكه‌ن، چونكه ئه‌و هه‌رێمه زیاتر هه‌رێمێكی سه‌ربازیه، ئامانج لێی تێكدانی ئاسایشی عێراقه”.
