قوباد تاڵه‌بانی چه‌ند به‌رپرسێكی حكومی نزیك له به‌رهه‌م صاڵحی گۆڕی
جێگری سه‌رۆكی حكومه‌تی هەرێمی کوردستان له شاری سلێمانیه‌وه چه‌ندین گۆڕانكاری له ئیداره‌ی پارێزگای ئه‌و شاره كردووه و له یه‌كه‌م هه‌نگاویشدا چوار به‌رپرسی له پۆسته‌كانیان دوورخسته‌وه.”
پاش درووستبوونی ئاڵۆزیه‌كان و پشێوی له زۆرنی سه‌وزدا، جێگری سەرۆکی حکومەت (قوباد تاڵه‌بانی) خۆی گه‌یانده سلێمانی و لو شاره‌وه ده‌ستی كرد به گۆڕانكاری و چاكسازی له كۆپی پرۆسه‌ی حكۆمڕانی له شاره‌كه و ته‌واووی قه‌زا و ناحیه‌كانی شاره‌كه له كۆی گرفت هه‌بێت و له‌یه‌كه‌م هنگاویشیدا، بڕیاریدا بە دوورخستنەوەی (سەرپەرشتیاری ئیدارەی راپەڕین، بەڕێوەبەری گشتیی تەندروستیی سلێمانی، بەڕێوەبەری گومرگی سلێمانی و بەڕێوەبەری گشتی گەشتوگوزار) لە پۆستەکانیان و کەسی دیکەشی لە شوێنەکانیان داناوە.”
به‌پێی زانیارییه‌كان هه‌ریه‌كه له (هیوا قەرەنی) بە وەکالەت لە شوێنی (حەمید عەبدوالله) کرایە سەرپەرشتیاری ئیدارەی راپەڕین. و (د. سەباح هەورامی) لە جێگەی (د. میران محەممەد) کراوەتە بەڕێوەبەری گشتیی تەندروستی سلێمانی. و (جەمال ساڵح قادر) لە شوێنی (هاوژین سالار) کراوەتە بەڕێوەبەری گومرگی سلێمانی و (عەلی تۆفیق) یش لە شوێنی (یاسین فەقێ سەعید) کراوەتە بەڕێوەبەری گشتی گەشتوگوزار.”
ئه‌وه‌ی شیاوی باسه” به‌شیك له چاودێرانی سیاسیی پێیان وایه كه ئه‌م گۆڕانكارییانه له چوارچێوه‌یی چاكسازییه‌كانی نێوخۆی یه‌كێتی و له‌سه‌ر حسابی ئه‌م باڵ و ئه‌و باڵی نێو حزبه‌كه‌یه، چونكه له ماوه‌ی رابردوو یه‌كێتی بووه‌ته قوربانی چه‌ند باڵێك و كه‌س نازانێت كێ برا گه‌وره‌یه و كێ حاكمی راسته‌قینه یاخود بنه‌ماڵه یه‌كێتی به‌ڕیوه‌ده‌به‌ن، تا گه‌یشت به‌و ئاسته‌ی له‌م دوایه خه‌ریك بوو یه‌كێتی به ته‌واوی كه ئێستا به‌شێكی سلێمانی له ده‌ست نه‌ماوه به ته‌واووی له ده‌ستی بدات به‌هۆی ئه‌و ململانێیه نێوخۆییه، بۆیه جێگری سه‌رۆكی حكومه‌ت كه كوڕی تاڵه‌بانیه خه‌ریكی راستكردنه‌وه‌ی دۆخه‌كه‌یه له‌و زۆنه.”
