هاوڵاتیانی گوندی پەلكانەی خورماتوو, بە بەردو هێلكە رێگری لە پەرلەمانتارانی یەكێتی دەكەن
دوای ئەوەی بەهاوكاری گرووپی خیانەتكاری یەكێتی میلیشاكانی حەشدی شەعبی و سوپای پاسداران بەشێكی زۆری خاكی كوردستانیان داگیركرد, جگە لەوەی بەسەدان هەزار ئاوارەبوون, ماڵ و خانویان تەقێنرایەوە ئێستا پڕۆسەیەكی ترسناكی بەعەرەبكردنی ناوچە كوردستانیەكان بەڕێوەدەچێت, دواترین هەوڵیش داوای چۆلكردنی گوندێكی كورد نشین دەكرێت بۆ خەلكی عەرەب.
كازم محمود, هاوڵاتی گوندی پەلكانەی سنوری خورماتوو بە(خواكوڕك)ی راگەیاند:” دوای ئەوەی چەندین جار لە لایەن كۆمەلێك هاوڵاتی عەرەب كە هەرجار هاتوون ئۆتۆمبێلی پۆلیسی اتحاجی و حەشدی شەعبیان لەگەڵ بووە داوای چۆلكردنی گوندەكەمانمان لێكراوە كە زێدی باب و باپیرانمانە, ئێمە رەتی داواكاریەكانمان كردۆتەوە, پێمان راگەیاندوون ناڕۆین ئەگەر مردین با لەسەر زێدی خۆمان بمرین.
ئەو هاوڵاتیەی گوندی پەلكانە گوتیشی:” چەندین هاوڵاتی گوندەكە لە لایەن كۆمەلێك چەكداری سەر بە حكومەتی عێراق دەستگیر كراون, دوای رووداوەكەش چەند ئەندام پەرلەمانێكی یەكێتی كە پێكهاتبوون لە( شوان داودی و ئاڵا تالەبانی و رێبوار تاها و محەمەد عوسمان) ویستیان سەردانی گوندەكە بكەن, بەڵام لە لایەن هاوڵاتیانەوە لە دەروازەی گوند پێیان راگەیاندن ئەگەر بێنە نێو گوندەكەوە بە بەردو هێلەكە لیان دەدرێت.
هەروەها گوتشی:” خەلكی گوند رازی نەبوون ئەوانەی دەستیان لە دروستكردنی ئەو دۆخە ناهەموارەی ئێمەی تێكەوتووین هەبووە بێنە ناو گوند, چونكە ئەوان ئێستا زۆر لە حەشدی شەعبی و ئەو عەرەبانە خراپترن لەبەرچاوی ئێمە كە دەیانەوێت غەدرمان لێ بكەن.
