وێنە: پەیەدە هێرشی كردە سەر نەتەوەی كورد لە گوندی بان ئەشكەوت

خواكوڕك

بەگوێرەی سەرچاوەی زانیاری میدیایەكان، 400 چەکداری سەر بە پەیەدە هەڵیانکوتایە سەر كوردانی رۆژئاوای كوردستان لە گوندی بان ئەشکەوت لە ناوچەی دێرک لە رۆژئاوای کوردستان و دانیشتووانی گوندەکە رووبەڕووی هێزەکە بوونەتەوە.

بەرپرسێكی پەدەكەسێ لەسەر هێرشی پەكەكە بۆ سەر كورد لە گەندی بان ئەشكەوتێ دەلێت: ‘ئەو هێزە کاتژمێر 03:00ـی بەرەبەیانی رۆژی شەممە 10-9-2016 بە 26 ئۆتۆمبێل هەڵیانکووتاوەتە سەر گوندەکە کە زۆربەی ئەندامانی هێزەکە عەرەب بوون، ئامانجیان گرتنی گەنجانی کورد بووە بۆ چەکدارکردنی ناچاری”.

سەعید عومەر بە كەناڵی رووداوی راگەیاندووە، دانیشتووانی گوندەکە رەتیانکردووەتەوە بە زۆر گەنجەکانیان بۆ چەکدارکردنی ناچار پەلکێش بکەن و رووبەڕووی ئەو هێزە بوونەتەوە، بەڵام هێزەکانی سەر بە پەیەدە بەزۆر 4 گەنجیان بردووە و 3 کەسی سڤیلیش لە رووبەڕووبوونەوەکەدا برینداربوون.

ناوی ئەو کەسانەی بردراون:

– ئەحمەد سلێمان خەنجەر
– عومران یووسف محەممەد
– جەواد ئیسماعیل
– یاسر سلێمان خەنجەر

ئەو کەسانەی لە رووبەڕووبوونەوەی هێزەکانی سەر بە پەیەدە برینداربوون:

– حەسەن رەمەزان شاهین .. برینەکەی سەختە و گوللـە بەر پشتی کەوتووە
– حەسەن عەبدلقادر حەسەن
– یوسف نەزیر حەسەن

بەپێی زانیارییەکانی هەمان كەناڵ هێزەکەی پەیەدە گەمارۆی گوندەکەی داوە و هێزێکی دیکە لە ئاسایشی گوندی گرەسۆرەوە بەرەو گوندی بان ئەشکەوت چوون، بۆ پشتیوانیکردنی ئەو هێزەی لە بەرەبەیانی ئەمڕۆ چوونەتە سەر گوندەکە.

هۆزی خێرکان زۆرینەی دانیشتووانی گوندی بان ئەشکەوت لەناوچەی دێرک لە رۆژئاوای کوردستان پێکدەهێنن.