راگه‌یاندنی یه‌كێتی وه‌كو تۆپی لێهاتووه هه‌رجاره‌و له‌ژێر پێی كه‌سێكه بزانه ئه‌م هه‌فته‌یه له‌ژێر پێی كێیه
شاناز ئیبراهیم ئه‌حمه‌د، به‌رپرسی رێكخستنه‌كانی ده‌ره‌وه‌ی یه‌كێتی كه له‌لایان مه‌كته‌بی سیاسیه‌وه، له‌سه‌ر كۆمه‌ڵێك لێدواندا، له پۆسته‌كه‌ی دوورخرایه‌وه، ته‌جمید كرا، له ئێستادا باس له‌وه ده‌كرێت ده‌ستی به‌سه‌ر راگه‌یاندنه‌كانی یه‌كێتی گرتووه، له‌رێگای كه‌سانی نزیك له‌خۆی به‌رێوه ده‌بات، ئه‌و كه‌ناڵانه‌ی كه خۆی به‌رێوه ده‌بات بریتین له ” كوردسات و گه‌لی كوردستان، په‌رله‌مانتارێكی پێشووی یه‌كێتیش هۆشداری ده‌دات”.
گوڵناز عه‌زیز ئه‌ندامی پێشووی په‌رله‌مانی كوردستان له‌سه‌ر لیستی یه‌كێتی، رایده‌گه‌ێنێت” ئەم پرسە ھێشتا فەرمی نییە، شاناز ئیبراهیم ئەحمەدیش کادیری یەکێتییە، بەلای منەوە کارێکی باش نییە، یەکێتی مەکتەبی راگەیاندنی ھەیە، دەبێت مەکتەبی ڕاگەیاندن ئەو کەناڵانە بەڕێوە ببات نەک شەخس، بۆیە مانەوەی دەزگاکان بۆ شەخس نییە، بەڵکوو گرنگە ئەم دامەزراوانەی یەکێتی، لەلایەن خودی یەکێتییەوە بەڕێوە ببرێن، بەپێویستیشی زانی، مەکتەبی سیاسی و سەرکردایەتیی یەکێتیی نیشتمانیی کوردستان، ئەم بابەتە یەکلا بکەنەوە.
پاش خیانه‌تی 16ی ئۆكتۆبه‌ر له‌لایان گروپێكی ناو یه‌كێتی كه پێكهاتبوون له” بافل و لاهور و ئاراس و ئاڵا” دۆخی یه‌كێتی به‌ته‌واوی تێكچوو، به‌شێوه‌یه‌ك مه‌كته‌بی سیاسی یه‌كێتی له‌ئێستادا ناتوانێت كۆببێته‌وه، سه‌ركردایه‌تیه‌كه‌شی هه‌رهه‌مان ده‌ردی مه‌كته‌بی سیاسی یه‌كێتی هه‌یه، ئه‌مه‌ش بۆته ئاڵۆزی و ده‌ست به‌سه‌ر داگرتنی ئۆرگانه‌كان له‌لایان باڵه جیاوازه‌كان”.
