ڕاوێژکارێکی سەرۆک کۆمار: فوئاد مەعسوم پەراوێز خراوە
ڕاوێژکارى سەرۆک کۆمارى عێراق ڕایگەیاند، فوئاد مەعسوم وەک سەرۆک کۆمارى عێراق پەراوێز خراوە و هێزێک نییە لە هەرێمى کوردستاندا پشتیوانى لە هەوڵەکانى بکات.
(عەبدوڵا عەلیاوەیى) لە میانی بەشداریکردنی دا لە بەرنامەیه‌كی ته‌له‌فیزیۆنیدا ڕایگەیاند:” دکتۆر فوئاد مەعسوم وەک سەرۆک کۆمارى عێراق پەراوێز خراوە، وتیشى، شاندى حکومەتى هەرێم هاتوەتە بەغداد بەڵام سەرۆک کۆمارى عێراقى لێ ئاگادار نەکراوەتەوە و ئاگادارى سەردانەکە نەبووە”.
هه‌روه‌ها ئاماژەى بەوەشکرد “کە لە ئێستاشدا هێزێک نییە لە هەرێمى کوردستان پشتیوانیى لە هەوڵەکانى سەرۆک کۆمار بکات”.
(عەبدوڵا عەلیاوەیى) گوتیشى”” سەرۆک کۆمار داوای لە عەبادی کردووە موچەی فەرمانبەرانى هەرێم بنێرێت، باسى لەوەشکرد کە تا پانزەى ئەم مانگە، حکومەتى فیدراڵى موچەى هەردوو وەزارەتى پەروەردە و تەندروستى هەرێم دەدات””.
