وهزارهتی سامانه سرووشتیهكان ئاستی هەناردەکردنی نەوتی لە ساڵی 2017 بڵاوكردهوه
![](https://xwakurk.com/wp-content/uploads/2016/11/samana-srwshtyakan.jpg)
وەزارەتی سامانە سرووشتییەکانی حکومەتی هەرێمی کوردستان لە تویتێکدا ئاستی هەناردەکردنی رۆژانەی نەوتی لە ساڵی 2017 دا ئاشکراکرد، بەپێی ئامارەکە ساڵی رابردوو بە تێکڕا رۆژانە 445 هەزار و 301 بەرمیل هەناردەکراوە.”
له تویتێكدا له تویتهر وەزارەتی سامانە سرووشتییەکان ئاماژەی بە ئاستی هەناردەکردنی رۆژانەی چوار مانگی کۆتایی ساڵی رابردوو کردووه كه بهم شێوهیهیی لای خوارهوه بووه:-
لە مانگی سێپتێمبەردا (مانگی 9) رۆژانە 514 هەزار و 54 بەرمیل هەناردەکراوە.
لە مانگی ئۆکتۆبەردا (مانگی 10) رۆژانە 384 هەزار و 659 بەرمیل هەناردەکراوە.
لە مانگی نۆڤەمبەردا (مانگی 11) رۆژانە 252 هەزار و 301 بەرمیل هەناردەکراوە.
لە مانگی دیسەمبەردا(مانگی 12) رۆژانە 263 هەزار و 542 بەرمیل هەناردەکراوە.
دابەزینی ئاستی هەناردەکردنی نەوتی حکومەتی هەرێمی کوردستان لە مانگی ئۆکتۆبەردا بههۆی خیانهتی 16ی ئۆكتۆبهر و هێرشی حەشدی شەعبی و سوپای عێراق دەگەڕێتەوە، کە بەهۆی هێرشەکە بەشێک لە کێڵگە نەوتییەکانی کەرکووک بەتایبەت (هاڤانا و بای حەسەن) کە نەوتەکەیان لەلایەن حکومەتی هەرێمی کوردستانەوە دەفرۆشرا، دەستیان بەسەردا گیرا و له ئێستادا ئهوان بهرپرسیارن له چۆنیهتی فرۆشتن و سهودا كردن پێوهیی.