ئه‌مریكا دژ به ئێران كۆمه‌ڵێك بڕیاری گرنگی بۆ پاڵپشتی خۆپیشانده‌ران دا
له پاش خۆپیشاندان و ناڕه‌زاییه‌كانی ئێران، کۆنگرێسی ئەمریکا بڕیاری ژمارە ٦٧٦ پەسەندکرد کە لەلایەن کۆمیتەی کاروباری دەرەوە لە ئەنجوومەنی نوێنەران پێشکەشکرابوو بۆ پاڵپشتیکردن لە خۆپیشاندەرانی ئێران.”
ئه‌و خاڵە گرنگ و سەرەکیانه‌ی كه له كۆنگرێسی ئه‌مریكا وه‌كو پاڵپشتی خۆپیشانده‌رانی ئێران په‌سه‌ندكرا و بڕیاری له باره‌وه درا بریتین لە:-
١- واڵاکردنی بوار بۆ ھەموو سەرچاوە و دەزگا میدیاییەکان لە ئەمریکا و ھاندانیان بۆ دەستپێکردنی بانگەشە و پاڵپشتی لە خۆپیشاندەران و گەیاندنی دەنگیان بە جیھان.
٢- دابینکردنی رێگای تایبەت بۆ پەیوەندیکردنی دەنگی ئازادیخوازانی سەرشەقام لە ئێران بە جیھان.
٣- کارکردنی دامودەزگا ھەواڵگرییەکانی ئەمریکا لەسەر ھاندانی دەنگە ئازاکانی ئازادیخواز لە ئێران بۆ چڕترکردنی ھەوڵەکانیان لەبارەی لادانی سوپای پاسداران لە بودجەی گشتی ئێران و نەھێشتنی گەندەڵییەکانی دەسەڵات لە بواری ئابووری.
٤- داواکردن و ھاندانی ئەمریکا بۆ کۆمپانیا جیھانیەکانی تایبەت بە بوارەکانی گەیاندن و سەتەلایت و ئەنتەرنێت بۆ قبوڵنەکردنی داواکانی ئێران لە راگرتن و سنووردارکردنی خزمەتگوزارییەکانیان لە ئێران بۆ ئەوەی پەیوەندی ھاووڵاتیانی ئێران بە جیھانەوە نەپچڕێت.
ئه‌وه‌ی شیاوی باسه.” له رۆژی ٢٨/١٢/٢٠١٧، خۆپێشاندان لە چەند شارێکی ئێران دژی حکومەت دەستیپێکرد، دواتر خۆپێشاندانەکان فراوان بوون و زۆربەی شارەکانی ئێران و بەشێک لە شارەکانی رۆژھەڵاتی کوردستانیشی گرتەوە، خۆپێشاندەران لە پاڵ داواکاری خزمەتگوزاری و بێکاری، درووشمیان دژی دەسەڵاتدارانی ئێران بەرزکردەوە و داوای رووخانی دەسەڵاتی وڵاتەکەیان دەکرد، حكومه‌تی ئێرانیش بۆ بڵاوه‌كردن و له باربردنی خه‌ونی خۆپیشانده‌ران هێزی به‌كارهێناو به‌ده‌یان خۆپیشانده‌ری كووشت و به سه‌دان خۆپیشانده‌ریشی بێ سه‌رو شوێن كرد.
