سهندیكای رۆژنامهنوسان ئاماری پێشێلكاریی ساڵی 2017ی بڵاوكردهوه
![](https://xwakurk.com/wp-content/uploads/2018/01/1-36.jpg)
له كۆنگرهیهكی رۆژنامهوانیدا، ئهمڕۆ پێنجشهممه11ی كانونی دووهمی2018، سهندیكای رۆژنامهنوسانی كوردستان ئاماری پێشێلكاریی بهرامبهر رۆژنامهنوسانی ههرێمی بڵاوكردهوه.
له كۆنفراسێكی رۆژنامهوانیدا (ئازاد محهمهد ئهمین) نهقیبی رۆژنامهنووسانی كوردستان رایگهیاند:”ساڵی 2017 به بهراورد به ساڵی 2016 پێشێلكارییهكان بهرامبهر رۆژنامهنووسان زیاترن، بهڵام به بهراورد به 10 ساڵی رابردوو، پێشێلكارییهكان كهمتر بوونهتهوه”.
نهقیبی رۆژنامهنووسانی كوردستان وتیشی: له ساڵی 2016دا، 45 پێشێلكاری بهرامبهر به 65 رۆژنامهنووس ئهنجامدراون.
له كۆنگره رۆژنامهوانیهكهدا (خۆشناو جهمیل) ئهندامی لیژنهی داكۆكی له مافی رۆژنامهنوسی و ئازادی رادهربڕین رایگهیاند: هۆكارهكانی توندوتیژی بهرامبهر رۆژنامهنووسان له ساڵی 2017 زیادیكردووه وهك ململانێی سیاسی و حزبی، روداوهكانی مانگی 10ی ساڵی رابردوو له كهركوك و دهوروبهریدا، وێڕای ئهوهی شهڕی دژی داعش، كه زیانی زۆری به رۆژنامهنوسان گهیاند.
له ئامارهكهی سهندیكای رۆژنامهنوسان هاتووه، لهماوهی 12 مانگی رابردودا، 3 حاڵهتی تیرۆر و 1 حاڵهتی خۆكوشتن و دوو حاڵهتی شههیدبون تۆماركراون.
لهئامارهكهدا ئاماژهبهوهكراوه، له ساڵی 2017، 13 دهزگای رۆژنامهنوسانی داخراون و 30 رۆژنامهنوس دهستگیركراون، 25 حاڵهتی لێدان و 54 حاڵهتی رێگهنهدان بۆ 111 رۆژنامهنووس تۆماركراوه، 18 رۆژنامهنوسیش ههڕهشهیان لێكراوه، به گشتی له ساڵی رابردودا 137 حاڵهتی پێشێلكاری بهرامبهر 230 رۆژنامهنوس ئهنجامدراون.
داتای پێشێلكارییهكانی ساڵی 2016 و 2017ی رۆژنامهنوسان …