لەكەركووك هێرش كرایه سه‌ر ماڵی وێنەگری ئاژانسی رۆیتەرز
به‌ره‌بانی ئه‌مڕۆ شه‌ممه 13ی1ی 2018 به نارنجۆك هێرش ده‌كرێته سه‌ر ماڵی رۆژنامه‌نوسێك له گه‌ڕه‌كی ره‌شیداوای شاری كه‌ركوك، له‌م باره‌یه‌وه رۆژنامه‌نوسه‌كه زانیاری زیاتر ئاشكرا دكات.
(ئاكۆ رشید) وێنه‌گری ئاژانسی رۆیته‌رز رایگه‌یاند: به‌ره‌به‌یانی ئه‌مڕۆ 13ی كانونی دووه‌می 2018، له كاتژمێر 3:10 خوله‌ك، خۆم و منداڵه‌كانم، له ده‌نگی ته‌قینه‌وه‌یه‌كی به‌هێز ئاگاداربوینه‌وه، ماڵه‌كه‌مان هه‌مووی دوكه‌ڵ بوو، پاشان توانیمان ده‌رگاكان بكه‌ینه‌وه، كه بینیمان شوشه‌ی په‌نجه‌ره‌ی ماڵه‌وه‌مان و كه‌لوپه‌لی چێشتخانه‌كه‌مان هه‌مووی شكاوه.
ئه‌و وێنه‌گره ده‌ڵێت: به زانیارییه‌كان ژماره‌یه‌ك چه‌كداری نه‌ناسراو نارنجۆكه‌كه‌یان هاویشتۆته ماڵه‌كه‌مه‌وه، به‌ڵام ته‌نها زیانی مادی به‌دواوه بووه و هیچ زیانێكی گیانی لێ نه‌كه‌وتۆته‌وه.
