مووچه هه‌ردوو یه‌كه‌ی 80 و 70 دابه‌ش ده‌كرێت
به‌گوێره‌ی چه‌ند سه‌رچاوه‌یه‌كی زانیاری له وه‌زاره‌تی دارایی و ئابووری هه‌رێمی كوردستان، سبه‌ی 16ی 1ی 2018 مووچه‌ی ئەو پێشمەرگانە خەرج دەكرێت كەتاوەكو ئێستا مووچەی مانگی 9 یان وەرنەگرتووە.
سه‌رچاوه‌یه‌ك له‌وه‌زاره‌تی دارایی و ئابووری كوردستان به خواكوڕكی راگه‌یاند”پاش هەول و بەدواداچونی سات بەساتی وەزارەتی پێشمەرگە لەگەل وەزارەتی دارایی حکومەتی هەرێمی کوردستان سبەینێ ۲٠۱۸/۱/۱٦ مووچەی دیوانی وەزارەتی پێشمەرگە و هێزەکانی ۸٠ و ۷٠ و تەواوی ئەو هێزانەی کە تا ئێستا مووچەیان وەرنەگرتووە خەرج دەکرێت”.
ئه‌مه له‌كاتێكدایه كه حكومه‌تی هه‌رێمی كوردستان پێشتر رایگه‌یاندبوو كه له‌ئێستادا هیچ پاره‌یه‌ك له‌بانك نیه بۆ دابه‌ش كردنی ئه‌و مووچانه به‌ڵام له‌ئێستادا، پاره‌ی هه‌یه بۆ دابه‌ش كردنی ئه‌و پێشمه‌رگانه‌ی كه تاوه‌كو مووچه‌یان وه‌رنه‌گرتووه”.
