هەڵگورد حیکمەت: هیچ بەڵگەیەك نیە پێشمه‌رگه دیله‌كان لای سوپای عێراق بن
تاوه‌كو ئێستا پێشمه‌رگه بێ سه‌روشوێنن و نازاندرێت چیان به‌رسه‌رهاتووه، له‌مباره‌یه‌وه بەرێوەبەری گشتی ڕۆشنبیری و ڕاگه‌یاندن له وه‌زاره‌تی پێشمه‌رگه ژماره‌ی پێشمه‌رگه‌كان ئاشكرا ده‌كات و ده‌ڵێت: وه‌زاره‌ت كه‌مته‌رخه‌م نابێت بۆ دیاریكردنی چاره‌نوسیان.
هەڵگورد حیکمەت بەرێوەبەری گشتی ڕۆشنبیری و ڕاگه‌یاندن له وه‌زاره‌تی پێشمه‌رگه رایگه‌یاند:” گومانی تێدا نییە پرسی پێشمەرگە دیلەکان خەم و کێشە و پرسی هەموومانە”.
سه‌باره‌ت به ژماره‌ی دیله‌كانیش هەڵگورد حیکمەت ڕشیگه‌یاند:” تا ئێستا ٦٢ پێشمەرگەی دیلمان هەبووە و ئەو ژمارەیەش جێگیرە، ئەوەندەی کە ئێمە ئاگادارین لە وەزارەت بەڵگەیەک نییە دەری بخات کە پێشمەرگە دیلەکان لە سوریاوە ڕادەستی حکومەتی عێراق کرابێتن”.
بەرێوەبەری گشتی ڕۆشنبیری و ڕاگه‌یاندن له وه‌زاره‌تی پێشمه‌رگه ئاشكرایكرد، وەزارەتی پێشمەرگە دڵنیایی دەدات، کە له‌مباره‌یه‌وه کەمتەرخەم نابێت و هەموو هه‌وڵێكد ده‌دات بۆ دۆزینه‌وه‌یان.
