ریال مه‌درید و محه‌مه‌د صڵاح له په‌یوه‌ندیدان بۆ رێككه‌وتن
ریال مه‌درید بۆ چاره‌سه‌ركردنی هێلی هێرشبه‌ری یانه‌كه‌ی ده‌ستی به جموجۆڵه‌كانی كردن بۆ په‌لكێش كردنی یاریزانی میسری و یانه‌ی لیڤه‌رپولی ئینگلیزی محه‌مه‌د صڵاح.”
له‌و باره‌وه، راپۆرتە رۆژنامەكان ئاشكرایان كردوە.” كه یانەی ریال مەدریدی ئیسپانی هەوڵەكانی دەست پێكردوە بۆبەدەست هێنانی تواناكانی ئەستێرەی میسری و یانەی لیڤەرپول محمد صەڵاح.
پێگەی كالشیۆ مێركاتۆی ئیتاڵی ئاشكرای كردوە.” گه دوای ئەوەی فلیپ كۆتینیۆ پەیوەندی كرد بەیانەی بەرشلۆنە ، وای لە ریال مەدرید كرد گرنگی بەتواناكانی صڵاح بدات بۆئەوەی هێلی پێشەوەی یانەكەی بەم یاریزانە بەهێز بكات .
هەمان سەرچاوە ئەوەشی ئاشكرا كردوە.” كه پێرێز سەرۆكی ریال مەدرید گفت و گۆی لەگەڵ بەرێوبەری كارەكانی یاریزانی میسری دەست پێكردوە دوای ئەو ئاستە بەرزەی لەوەرزی ئەمساڵ پێشكەشی كردوەو لە (22)یاریدا توانیوەتی (18)گۆل تۆمار بكات.
