ئاماری شه‌هید و بریندارانی شه‌ڕه‌كه‌ی عفرین بڵاوكرایه‌وه
رێکخراوی رووانگەی سووری بۆ مافەکانی مرۆڤ دوایین ئاماری شەهیدانی شاری عەفرین له رۆژئاوای كوردستان لە ماوەی شەو و رۆژی رابردوودا، ئاشكرا ده‌كات.”
بەپێی راگەیەندراوێکی رووانگەی سووری بۆ مافەکانی مرۆڤ، کە رۆژی دووشەممە 22/1/2018 بڵاوی كردۆته‌وه.” لە ماوەی 24 کاتژمێری رابردوودا 21 کەس بوونه به قوربانی.
رووانگەی سووری بۆ مافەکانی مرۆڤ، له راگه‌یاندراوه‌كه ئه‌وه‌ی ئاشكرا كردووه.” کە ئێستا شەڕ لە نێوان یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوای کوردستان و سوپای تورکیا لە ناوچەکانی شنگال، ئیدمانی، شادیە، سۆرکە، حەمام و کوردۆ لە گوندوارەکانی عەفرین لە ئارادایە.
هه‌ر له سه‌ر رووداوه‌كان ئه‌م دوو رۆژه، میدیاکانی نزیك له پەکەکە ئامارێکی شەهید و قوربانییانی گوندی جلبەرەی عەفرینیان بڵاو کردووەتەوە و رایانگەیاندووە.” تەرمی حەوت شەهید و 11 بریندار لەژێر داروبەردی خانووە وێرانکراوەکان، دەرهێندراوە.
رۆژی شەممە 20/1/2018، سوپای تورکیا بە بەکارهێنانی هێزی ئاسمانی، زەمینی و تۆپخانە، لەژێر ناوی ئۆپەراسیۆنی (چلی زەیتون)، هێرشی کردووەتە سەر شاری عەفرین لە رۆژئاوای کوردستان و تا ئێستا شەش هاووڵاتی و سێ شەڕڤانی یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوای کوردستان، شەهید بوون.
