سبه‌ینێ ووردبینی بۆ لیستی فه‌رمانبه‌رانی وه‌زاره‌تی ته‌ندروستی ده‌كرێت
ڤیان جاف، بەڕێوەبەری گشتی پلان لە وەزارەتی تەندروستی حکومەتی ھەرێم و ئەندامی لیژنەی باڵای وردبینی رایدەگەیەنێت، سبەینێ دەستدەکرێت بە وردبینی لیستی مووچەخۆرانی وەزارەتی تەندروستی لەلایەن لیژنەی وردبینی بەغداوە .
(ڤیان جاف) لە کۆنگرەیەکی رۆژنامەوانیدا ڕایگەیاند “لە کۆبونەوەی ئەمرۆدا لەگەڵ لیژنەی وردبینی بەغدا بڕیار لەسەر چەند خاڵێک درا ، سەرەتا ئەوان لە بەیانی دەست دەکەن بە وردبینی لە لیستی مووچەخۆرانی وەزارەتی تەندروستی ، لیژنەی وردبینی دابەش دەبێت بەسەر چەند لیژنەیەک ، زۆربەی ئەندامانی لیژنەکان ماڵیان لە ھەولێر و سلێمانیە .”
هه‌روه‌ها به‌رێوبه‌ری گشتی پلان ،ڕونیشیکردەوە لیژنەی وردبینی وەزارەتی تەندروستی سەرەتا لە دیوانی وەزارەتەوە دەست پێدەکات ، و دواتر وردبینی لە لیستی مووچەی فەرمانبەرانی فەرمانگەی تەندروستی شارەکان دەکرێت.
ئاماژەشیکرد بەوەی “نوێنەرانی ھەرێم لە لیژنەی وردبینی پێشنیاری مووچەیەکمان بۆ فەرمانبەرانمان کردووە بەڵام تائێستا وەڵاممان نەدراوەتەوە .”
