وه‌زاره‌تی پێشمه‌رگه : ئه‌مریكا 365 ملیۆن دۆلار هاوكارییه‌كه‌ی بۆ ناردووین
بریكاری وه‌زاره‌تی پێشمه‌رگه‌ی حكومه‌تی هه‌رێمی كوردستان له باره‌ی ناردنی ئه‌و بڕه پاره‌یه كه ئه‌مریكا ته‌رخانی كردووه بۆ وه‌زاره‌تی پێشمه‌رگه ده‌ڵێت.” 365 ملیۆن دۆلار هاوکاری ئەمریکا بۆ هێزی پێشمەرگە گەیشتە هەرێمی کوردستان،پارەکە لە بودجەی وەزارەتی بەرگری ئەمەریکا بڕیاری لێدراوە و بۆ پشتیوانییە لە هێزی پێشمەرگە.”
(سەربەست لەزگین) بریکاری وەزارەتی پێشمەرگە له‌و باره‌وه رایگه‌یاندووه.” كه ئەمریکا بە فەرمی وەزارەتی لە گەیشتنی پارەکە ئاگادار کردووەتەوە و حکومەتی عێراقیش رەزامەندی لەسەر دەربڕیوە، له ئێستاشدا وەزارەتی پێشمەرگە و هاوپەیمانان لە دانیشتن و کۆبوونەوەدان بۆ چۆنێتی دابەشکردنی پارەکە بە سەر هیزی پێشمەرگە و دابینکردنی پێداویستی بارەگا و سەنگەرەکانی بەرگری”.
ئه‌وه‌ی شیاوی باسه.” ئەمە دووەمین هاوکاری ئەمریکایە کە پارەی کاش بە هێزی پێشمەرگەی دەدات، لە ساڵی 2016شدا بە بڕی 450 ملیۆن دۆلار ئەمریکا هاوکاری پێشمەرگەی کردبوو.
ئه‌م هاوكارییه هی ئه‌و لێكتێگه‌یشتنه‌ی نێوان ئه‌مریكا و به‌رپرسانی باڵای حكومه‌تی هه‌رێمه، كه به‌سه‌رۆكایه‌تی (سه‌رۆك مه‌سعود بارزانی) واژۆ كرا له رۆژی سێ شەممە 12/ 7/ 2016 لە سەلاحەدین ،كه یادداشتی لێکتێگەیشتن و هاوکاریی نێوان وەزارەتی پێشمەرگە و وەزارەتی بەرگریی ویلایەتە یەکگرتووەکانی ئەمریکا، لەلایەن کەریم شنگالی وەزیری پێشمەرگە بەوەکالەت و ئێلیزا سلۆتکین ، جێگری وەزیری بەرگریی ویلایەتە یەکگرتووەکانی ئەمریکا، ئیمزا کرا، بەپێی ئەو یادداشتە، وەزارەتی بەرگریی ئەمریکا هاوکاریی دارایی پێشکەشی پێشمەرگە دەکات، به ئاماده‌بوونی سه‌رۆكی هه‌رێمی كوردستان، (مه‌سعود بارزانی)
