مەسروور بارزانی: ھەموو سیستەمێکی زانکۆی ئەمریکی لە کوردستان بەبێ جیاکاری تێپەڕ دەبێ
مەسروور بارزانی، راوێژکاری ئەنجومەنی ئاسایشی هەرێمی کوردستان لە وتارێکدا لە رێوڕەسمی ئاهەنگی دەرچوونی یەکەم خولی زانکۆی ئەمریکی لە کوردستان- دهۆک، رایگەیاند، قەڵەم بنەمایەکی هەنگاوەکانی هەرێمی کوردستان “بەرەو داهاتوو”، دیاری دەکات و دەرچووەکانیش لە داهاتوودا “وەک سەرکردە دەردەکەون”.
مەسرور بارزانی بە ئاماژەکردن بەوەی مستەفا بارزانی، رێبەری شۆڕشی رزگاریخوازی کورد لە سەدی رابردوو “بەچاوێکی گەورە” لەبارەی خوێندن قسەی کردووە، رایگەیاند، لە زانکۆی ئەمریکی لە کوردستان – دهۆک پەرە بە خوێندن و پێشکەوتن لە کوردستان دەدەن بەبێ هیچ جیاکارییەکی ئایینی.
راوێژکاری ئەنجومەنی ئاسایشی هەرێمی کوردستان جەختی لەوە کردەوە، کە “ئێمە ھەوڵ دەدەین ھەموو سیستەمێک لەنێو ئەم زانکۆیەدا بەبێ جیاکاری و بە پرۆسەیەکی دیموکراسی تێپەڕ ببێت”.
مەسرور بارزانی هەروەها رایگەیاند، هانی ھەموو ئامادەبووانی زانکۆی ئەمریکی لە کوردستان دەدەن “تا بەردەوام بن لە ھەوڵەکانیان و کار بکەن”، چەند کەسانێکی تایبەتن و چینی 2018ن و “لە خەڵکی کوردی بلیمەت و زیرەک و تێکۆشەر پێک دێن”.
راوێژکاری ئەنجومەنی ئاسایشی هەرێمی کوردستان خۆشحاڵیی خۆی بە دەرچوونی خولی یەکەمی قوتابییانی زانكۆکە دەربڕی و رایگەیاند، “یەکەمین ھەنگاو و سەرەتایەکی گەورەیە بۆ داھاتوو. ئەمە بەڕاستی پێشکەوتنێکی یەکجار گەورە و ھەستێکی یەکجار گەورەیە کە لەم ژوورەدا بە چاوی خۆمان دەیبینین”.
