جه‌عفه‌ر ئێمنكی رێگری كرد له تانك و ئێف 16ــكانی فراكسیۆنی گۆڕان بۆ عه‌فرین
ئه‌مرۆ له‌به‌رده‌م په‌رله‌مانی كوردستان فراكۆسیۆنی گۆڕان له راگه‌یاندراوێكدا كه سه‌رۆكی فراكسیۆنه‌كه‌یان خوێندوویه‌وه، بایكۆتی په‌رله‌مانی كوردستانی كردووه، له‌مه‌ر دانیشتن له‌سه‌ر رووداوه‌كانی كانتۆنی عه‌فرین، چاوێردانی سیاسیش له‌مه‌ر گوتار و مزایه‌ده‌كانی گۆڕان، پێیان وایه جێگری سه‌رۆكی په‌رله‌مانی كوردستان، جه‌عفه‌ر ئیێمنكی رێگری كردووه له تانك و ئێف 16ی فراكسۆنی گۆڕان بۆ ئه‌وه‌ی بچێته بۆ هاوكاری شه‌رڤانانی یه‌په‌گه”.
له‌و باره‌یه‌وه، دجێگری سه‌رۆكی په‌ره‌لمانی كوردستان له په‌رله‌مانی كوردستان داوا له فراكسیۆنی گۆڕان ده‌كات، كه موزایەدە لەبارەی عەفرینەوە نەکەن و ئاشکرای دەکات کە ئەوانەی ئێستا موزایەدە لەسەر ڕەوشی عەفرین دەکەن، هیچ داوایەکیان بۆ کۆبوونەوەی پەرلەمان لەبارەی ڕەوشی کەرکووک و خورماتوو نەکردووە و ده‌شلێـ”با بابەتەکە بەلاڕێدا نەچێت و نەبێتە موزایەدە. لەبەرچاوی ئێمە دۆخێکی زۆر خراپ بەسەر هەرێمی کوردستاندا هات. بەسەر خورماتوو و کەرکووکدا هات، با برینەکان نەکەینەوە، فراکسیۆنەکانی پەرلەمان داوایان کرد دانیشتن بکرێت؟ هیچ داوایەک بە دەست ئێمە نەگەیشت”.
ئەمڕۆ سێشەممە 30/1/2018ی پەرلەمانی کوردستان کە جەعفەر ئێمنکی سەرۆکایەتی دەکات، برزۆ مەجید، پەرلەمانتاری گۆڕان ئاماژەی بەوە کرد: ”خەڵکی گلەیی ئەوە لە پەرلەمان و پەرلەمانتاران دەکەن کە هەڵوێستەکەیان درەنگ وەختە و هەڵوێستی پێویستیش نەبووە. هەڵوێستی سەرۆک فراکسیۆنەکانیش لەئاست رەوشی عەفریندا نییە. جەخت لەوە دەکەینەوە کە دانیشتنی ئەمڕۆ تەنها تایبەت بکرێت بە بابەتی عەفرین“.
هه‌روه‌ها جێگری سه‌رۆكی په‌رله‌مانی كوردستان له‌باره‌ی هه‌ڵوێستی گۆڕان و مزایه‌ده‌كانیان له‌ناو په‌رله‌مانی كوردستان، ده‌شلێـ”سوپای عێراق و حەشدی شەعبی پەلاماری ناوچە کوردستانییەکانیان دا، کەچی داوای کۆبوونەوە نەکرا. ئەوەی بە ئێمە بکرێت بۆ عەفرین، بە ئاگا خستنەوەی کۆمەڵگەی نێودەوڵەتی و نەتەوە یەکگرتووەکان و دەزگا نێودەوڵەتییەکانە. هەرێمی کوردستان دەتوانێ چی بۆ عەفرین بکات جگە لە پەیامی سیاسی و پشتیوانی؟ با قەبارەی بابەتەکە وەکوو خۆی مامەڵە لەگەڵ بکەین”.
ئه‌م هه‌ڵوێستانه و فرمێسكانه‌ی حزبه‌كانی ” یه‌كێتی و كۆمه‌ڵ و گۆڕان” له‌سه‌ر عه‌فرین له‌كاتێكدایه، كه پێشتر وەفیق سامەڕایی، ڕاوێژکاری پێشووی جەلال تاڵەبانی، داوای لە بەرپرسانی عێراق کردبوو، بۆ ڕووبەڕووبوونەوەی هەستی سەربەخۆخوازیی لە هەرێمی کوردستان، پشت بە گرووپێکی نێو یەکێتیی نیشتمانیی کوردستان و بزووتنەوەی گۆڕان و کۆمەڵی ئیسلامیی کوردستان ببەستێت.
