رۆژنامه‌یه‌كی به‌ریتانی چه‌ند نهێنیه‌ك له‌سه‌ر خیانه‌تی 16ی ئۆكتۆبه‌ر و عه‌فرین بڵاو ده‌كاته‌وه
لە دوای خیانەتی ١٦ی ئۆكتۆبەری ساڵی ڕابردوو گوڕانكاری زۆر پێچەوانە لە لایەن حكومەتی بەریتانیاوە دەبنرا لە سیاسەتەكانیان دژی مافە ڕەواكانی گەلی كورد، تاڕادەیەك دوای ئەو ھەموو داگیر كارییەی كەركووك و جێنوسایدی خەڵكی دووزخورماتوو لە لایەن حەشدی شەعبیەوە، لە دواین سەردانی سەرۆك وەزیرانی بەریتانیا “ترێزا مەی “بۆ بەغداد داوای كرد ھەرێمی كوردستان رێز لە یاسا فیدراڵیەكان و دەستوور بگرێت، ئەمە لە كاتێكدا ھەزاران كورد جینۆساید دەكران لە ناوچەكانی كوردستانی دەرەوەی ئیدارەی ھەرێم، ئەمە سەرڕای ئەوەی بەشێكی زۆری ئەوانەی لە حەشدی شەعبی و چەند لایەن و كەسایەتیەكی كوردستان كە ڕۆڵیان لە نەخشەدانان و ھەماھەنگی كارەسات و خیانەتی ١٦ ی ئۆكتۆبەر ھەبوو و لە ژێر ھەژموونی بریتانیا بوون و خاوەن ناسنامەی بەریتانی بوون بەدیالێكتی بەریتانی لێدوانیان دەدا، بە ئاشكرا و بە نھێنی لە گەڵ كۆمپانیای “ برتش پتروڵیۆم “ BP
رۆژنامەی “زەگاردیەن ” ی بەریتانی لە دوا ڕاپۆرتی دا دەڵێت ئەگەر هەیە نەخشەی رۆژهەڵاتی ناوەڕاست بگۆڕدرێت و بارودۆخەكە تەواو پێچەوانە ببێتەوە، وەك ئاماژەیەك باسی هێرشکردنی توركیا دەكات بۆ سەر شاری عەفرین كە بووەتە ھۆی بەھێزكردنی هەستی نەتەوەیی کوردانی ھەموو جیھان, لە راپۆرتێکەیدا ئاماژەی داوە بەوەی كە سوپای زەباڵاحەكەی تورکیا،لە ژێر فشارێكی گەورەی دیسپلینە سەربازی و ھەواڵگری ئیدارییەكانیدایە، چونكە ئەم سوپاییە لە دوای کودەتاکەی مانگی تەمموزی 2016 تاكوو ئیستاش نەهاتووەتەوە سەرەخۆی و نەیتوانیوە خۆیی ڕێكباخاتەوە، لە بەرامبەر شەڕی دژی یەکینەکانی پاراستنی گەل (یەپەگە)ی باڵی سەربازیی پارتی کرێکارانی کوردستان (پەکەکە) لە رۆژئاوایی کوردستان.
رۆژنامەکە ئاماژەی بە بەرگریی ھێزە كوردییەكان بە گشتی لە شەڕی دژی رێکخراوی تیرۆریستی داعش کردووە و رایگەیاندووە، رووبەڕووبوونەوەی سوپای تورکیا و هێزەکانی رۆژئاوای کوردستان و بەرگری پێشمەرگە لە داگیركردنی كوردستان لە لایەن سوپای عێراق و حەشدی شەعبی بە پاڵپشتی ئێران ،ئەگەر هەیە ببێتە هۆی ”شۆڕشێکی فراوانی کوردان “ دژی ئەو ھەژموونگەرایانەی ناوچەكە لە ئەنجامیشدا نەخشەی رۆژهەڵاتی ناوەڕاست دەگۆڕێت و دادەڕێژرێتەوە، هەروەک لە راپۆرتەکەدا هاتووە، هێرشکردنە سەر شاری عەفرین هەستی نەتەوەیی لای کوردانی پارچەکانی دیکەی کوردستانیش زیاد دەکات و کۆمەڵگەی نێودەوڵەتیش وەک چۆن چاوی لە ریفراندۆمی سەربەخۆیی باشووری کوردستان نووقاند و داگیرکردنی کەرکووکی لەلایەن هێز و میلیشیا عێراقییەکانەوە پشتگوێ خست، ناتوانێ رەوشی عەفرینیش پشتگوێ بخات ده‌بێت ئه‌وه‌ش ببینێت كه كوردستانی باشوور بێدەنگ نابێت لە بەرامبەر ئەو پێشیلكاری و فشارانەی لە سەریەتی دەستەوەستان بوەستێت”.
