سایلۆی سلێمانی دەتەقێنرێتەوە
(مەلا یاسین) وتەبێژی یەكێتی وەبەرهێنەرانی كوردستان لەپەیجی تایبەتی خۆیدا لە تۆری كۆمەڵایەتی فەیسبوك نوسیویەتی و ڕایگه‌یاند: “لە چەند ڕۆژی داهاتوو لە لایەن گەورە كۆمپانیایەكی جیهانیەوە بە چاودێری پارێزگار و دەزگا پەیوەندیدارەكانی حكومەت سایلوی سلیمانی دەتەقێنرێتەوە لە بەرامبەریشدا سایلۆیەكی تازە بە پێی كوالتی باش و ستانداردی جیهانی لە شارەزوور دروست كراوە،”
وتەبێژی یەكێتی وەبەرهێنەرانی كوردستان ئاماژەی بەوەشداوە” ئەوەندەی لە یەكێتی وەبەرهێنەرانی كوردستانەوە ئاگادارین گەورە وەبەرهێنەری شارەكەمان كاك هیوا رووف هەموو ئامادەكاریەكی كردووە تا ئەم پڕۆسەی تەقاندنەوەیە بچوكترین زیان بە دوای خۆیدا نهێنێت، تەنانەت بە جۆرێك ئەم كارە ئەنجام دەدرێت گەورەتیرین كۆمپانیای ئەمریكا چاودێری پڕۆسەكە دەكات ئەم كارە بە هەمان پێوەری پڕۆژە هاوشێوەكانی جیهان ئەنجام دەدرێت بڕیارە چەندین وەبەرهێنەر و كەسایەتی حوكمی و ناحكومی ئامادەی كاتی تەقاندنەوەكە ببن ”
هه‌روه‌ها (مەلا یاسین) ڕاشیگه‌یاند:” لە ئوتێل گراند میلینیۆم ڕێوڕەسمیك بۆ ئەم بابەتە ئەنجام دەدرێت كە بە شێوازی لایڤ لەوێوە سەیری ئەنجامدانی كارەكە دەكرێت جێی خۆیەتی دەزگاكانی ڕاگەاندن ئەم پڕۆسەیە ڕاستەوخۆ بگوازنەوە چونكە لە كەم شوێنی جیهان تەقینەوەی وا گەورە لە ناو سەنتەری شارەكاندا ئەنجام دەدرێت بەو شێوازەی باسم كرد كۆنتڕۆڵ كراوە زەرەر و زیانی بۆ كەس نابێت ئیشااللە .”
ئاشكراشیكردوە”لە شوێنی سایلۆی سلێمانی پڕۆژەیەكی وەبەرهێنانی بازرگانی و گەشتیاری و نیشتەجێبوون لە ژیر ناوی (داون تاون)بە بەرزترین كوالێتی ئەنجام دەدرێت، سەدان هەلی كار بۆ شاری سلێمانی دەستەبەر دەكات بە ئەنجام دانی ئەم پڕۆژەیە هاوكێشەی وەبەرهێنانی سلێمانی گۆڕانكاری بەسەردا دێت”
