ڕۆحانی بۆ خامنەیی:خۆت لە هەمان چارەنوسی شاە بپارێزە
حەسەن ڕۆحانی سەرۆک کۆماری ئێران لە وتارێکیدا داوا لە دەسەڵاتدارانی وڵاتەکەی دەکات کە بە گرنگیەوە گوێ لە دەنگی هاوڵاتیانی ئێران بگرن و وەک ئاماژەیەک ڕو دەکاتە عەلی خامنەیی ڕابەری شۆڕش و دەڵێت ئەوانەی گوێ لە هاوڵاتیانی ئێران ناگرن هەمان چارەنوسی شایان هەیە.
ئەو وتانەی ڕۆحانی دووای ئەوە هات کە خامنەیی خۆپیشاندانەکانی ئێرانی بە دەستی دەرەکی و دوژمن ناوبردبوو هاوکات ڕەخنەی لە ڕیفۆرمخوازان گرت کە لە لوتکەی دەسەڵاتن و وەک ئۆپۆزسیون مامەڵە دەکەن.
ململانێی سەرکردەکانی ئێران لە پەرەسەندندایەو پێشتریش ڕۆحانی ڕایگەیاندبوو کە ڕەوتی توندڕەوان دەیانەوێت بۆچونی خۆیان بەسەر گەنجاندا بسەپێنن،لەلایەکی تر ئەحمەدی نەجات کە ماوەیەکە هەڵمەتێکی دژی خامنەیی دەست پێکردووە پێش ڕۆحانی کەوتوە لە ڕەخنەگرتن لە خامنەیی و بە مەترسی ناوی بردووە لەسەر کۆماری ئیسلامی ئێران.
