لە ماوەی دوومانگ, دامەزراندنی سێ حزبی نوێ له سلێمانی راگەیێندران
لە كۆنگرەیەكی رۆژنامەوانیدا، ئەمڕۆ شەممە 3ی شوبات 2018 لە شاری سێمانی، (بزوتنەوەی ئازادی و سەربەخۆیی كوردستان)راگەیەندرا، کە بزوتنەوەیەکی سیاسییە و له‌سه‌ر باکگراوەندێکی چەپ کارەکانی خۆی بەڕێوەدەبات.
لە كۆنگرە رۆژنامه‌وانییه‌كدا، بەختیار مستەفا، ئەندامی لیژنەی ئامادەکاری کۆنفرانسی بزوتنەوەکە لە رایگەیاند: ئەمڕۆ بزوتنەوەی ئازادی و سەربەخۆیی كوردستان رادەگەیەنین، کە بزوتنەوەیەکی کۆمەڵایەتییە بێ گوێدانە ئایدۆلۆژیا و مەزهەب و تێڕوانینە سیاسییەکان.
بەختیار مستەفا ڕاشیگه‌یاند: پرۆژەکەمان کۆمەڵایەتییە، پێمن وایە سیستمی سەرمایەداری پەرلەمانی ناتوانێت چارەسەری گرفتەکانی خەڵکی کوردستان بکات و وەڵامدەرەوە بیت بە داخوازییەکانیان، پیشمان وایە بۆ ئەمڕۆی عیراق تاکەچارەسەر لێکجیابونەوەو سەربەخۆبونی خەڵکی کوردستانە.
