پێویسته له كاتی شووشتنی ده‌م و چاو زۆر هۆشیار بن له‌به‌ر ئه‌م هۆكارانه
شووشتني ڕووخسار یەکێکە لەو کارانەى ڕۆژانە چەند جارێک دووبارەى دەکەنەوە، بەڵام چەندان هەڵەى باو هەن کە زۆرێک لە خانمان بەردەوام دووبارەیان دەکەنەوە و زیانیان هەیە.”
هه‌ڵه‌كان بریتین له:-
١- باش ئاو نەکردن بە ڕووخساردا: ئەگەر دواى بەکارهێنانى پاککەرەوەکان باش ئاو نەکەیت بە ڕووخسارتدا، مانەوەى ماددە پاککەرەوەکان بە ڕووخسارتەوە زیان بە پێستت دەگەیەنن.
٢- بەکارهێنانى پاککەرەوەى هەڵە: بە پێى جۆرى ڕووخسارت دەبێت ئەو پاککەرەوەیە بەکاربهێنیت کە بۆت گونجاوە، ئەگەر پێستت چەورە نابێت پاکەرەوەى ڕووخسارى وشکى بۆ بەکاربهێنیت و بە پێچەوانەشەوە.
٣- هەڵە بەکارهێنانى خاولى: نابێت بە توندى خاولى بخشێنیت لە ڕووخسار تا وشکى بکەیتەوە، بەڵکو دەبێت کلێنکس یان خاولییەکى زۆر نەرم بەکاربهێنیت.
٤- پلەى گەرمى ئاوەکە: دەبێت بە ئاوى شلەتێن ڕووخسارت بشۆیت، چونکە ئاوى گەرم پێست دەسوتێنێت و ئاوى ساردیش هەندێک جار دەبێتە هۆى سووربوونەوەى پێست.
٥- پێشتر لێنەکردنەوەى ماکیاج: لێنەکردنەوەى ئەو ماکیاجانەى کە دژە ئاون بە پاککەرەوەى تایبەت پێش شۆردنى ڕووخسار کارێکى هەڵەیە، چونکە ئاوەکە ناتوانێت ڕووخسارت پاکبکاتەوە و ئەمەش دەبێتە هۆى گیرانى کونەکانى ڕووخسار.
٦- کەم یان زۆر شتنى ڕووخسار: ڕۆژانە دوو جار شتنى ڕووخسار زۆر گونجاوە، زیاتر یان کەمتریش بە پێى جۆرى پێستت دیارى دەکرێت و نابێت زیادەڕۆى تێدا بکرێت.
