عه‌بادی گاڵته به گۆڕان و كۆمه‌ڵ و گروپی خیانه‌تی 16ی ئۆكتۆبه‌ر و به‌رهه‌م ده‌كات
پاش بریاری درێژكردنه‌وه‌ی داخستنی فرۆكه‌خانه‌كانی هه‌رێمی كوردستان تا 31ی 5ی ئه‌مساڵ، خه‌ڵكی كوردستان به‌ته‌واوی بێ ئه‌مه‌ڵ بوو له ته‌واوی به‌ڵێنه‌كانی به‌غدا، كه عه‌بادی رۆژانی سێ شه‌ممه، دێت و یاری به هه‌ستی خه‌ڵكی كوردستان ده‌كات و چاودێرانی سیاسیش ده‌لێت هه‌ركاتێك عه‌بادی بریاره‌كانی دژی كورد درێژ ده‌كاته‌وه، ئه‌و هێزانه‌ی خاوه‌نی پاراستنی یه‌كپارچه‌ی خاكی عێراقن ته‌ریف ده‌بنه‌وه روو سوك ده‌بن به‌رامبه‌ر خه‌ڵك”.
چاودێرانی سیاسی پێیان وایه له‌كوردستان دوو هێڵ هه‌بوو، یه‌كێكیان هێڵی جوداخوازی و تێگه‌یشتن له‌به‌غدا كه دژی كوردستانه و ده‌بێت كورد خۆی له‌و به‌غدایه نیاز خراپه به‌رامبه‌ر گه‌لی كوردستان رزگار بكات، هه‌ندێكیشیان پێیان وابوو كه ده‌بێت ده‌ست به هێشتنه‌وه‌ی یه‌كپارچه‌یی خاكی عێراق دا بگرین”.
هه‌روه‌ها چاودێرانی سیاسی پێان وایه له‌ئێستادا روونه، كه گۆڕان و كۆمه‌ڵ و به‌رهه‌م ساڵح و گرپه‌كانی تری وه‌ك نه‌وه‌ی نوێ و خیانه‌تی 16ی ئۆكتۆبه‌ر كه پێكهاتبوون له ” بافل و لاهور و ئاراس و ئاڵا” و باڵی په‌كه‌كه، له هه‌رێمی كوردستان بۆچوونیان وابوو، كه باوی ده‌وڵه‌ت نه‌ماوه، ده‌بێت له‌گه‌ڵ یه‌كپارچه‌ی خاكی عێراق بین و بۆیه‌ش دژی ریفراندۆم وه‌ستانه‌وه، له‌گه‌ڵ سه‌ربه‌خۆی كوردستان نه‌بوو”.
چاودێرانی سیاسی ده‌شلێن”به‌ڵام هێزگه‌لێكی تر هه‌بوو، وه‌ك پارتی و گروپی نیشتمان په‌روه‌ری ناو یه‌كێتی و یه‌كگرتوو، راستی رووداوه‌كانیان شی كرده‌وه، به‌وه‌ی عێراق دژی مافه ده‌ستووریه‌كانی گه‌لی كوردستانه و ده‌سه‌ڵاتی هه‌بێت هاوشێوه‌ی سه‌دام كیمیاباران و ئه‌نفال و ته‌عریبمان ده‌كات بۆیه باشترین بژارده كاركردنه بۆ سه‌ره‌به‌خۆی كوردستان و ئه‌نجامدانی ریفراندۆم”.
هه‌روه‌ها چاودێرانی سیاسی ده‌شلێـ” پاش خیانه‌تی 16ی ئۆكتۆبه‌ر و هێشتنه‌وه‌ی یه‌كپارچه‌ی خاكی عێراق له‌لایان ئه‌و گروپ و حزبانه، ئێستا ده‌ركه‌وتووه كه عه‌بادی و به‌غدا نه ئاماده‌ن مووچه بده‌ن نه ئاماده‌ن فرۆكه‌خانه‌كان بكه‌نه‌وه، نه رێگا به پاره‌ی گه‌نمی جوتیاران ده‌ده‌ن و له‌ده‌ستوریش به‌روونی كۆتایان هێناوه به هه‌رێمی كوردستان و به‌شیماڵی عێراق ناوی ده‌به‌ن، بۆیه ئه‌گه‌ر خه‌ڵكێك هه‌بێت چاو و گوێ و هه‌ستی هه‌بێت، خاوه‌نی كه‌سایه‌تیه‌كی سه‌ر به‌خۆی بێت، كۆیله‌ی حزب نه‌بێت باش له‌وه تێده‌گات، كه به‌ره‌ی سه‌ربه‌خۆخوازانی كوردستان راستیان كرد، له‌گه‌ڵ خه‌ڵك و ئه‌وه‌ی به‌غدا ئێستا ده‌كات شه‌رمه‌زار كردنی ” گۆڕان و كۆمه‌ڵ و گروپی خیانه‌تی 16ی ئۆكتۆبه‌ر و گروپه‌كانی وه‌ك نه‌وه‌ی نوێ و باڵی په‌كه‌كه‌یه” له‌هه‌رێمی كوردستان
