قوتابیانی كورد له سنه له‌به‌ر ریفراندۆمی باشوری كوردستان بزانه چۆن دژی به‌رپرسانی ئێران وه‌ستانه‌وه
له كۆرێكدا له هۆڵی مه‌وله‌وی له زانكۆی ” كوردستان” له سنه، خوێنكارانی كوردی رۆژهه‌لاتی كوردستان له‌به‌رامبه‌ر وتارێكی سه‌ركونسووڵی كۆماری ئیسلامی ئێران له سلێمانی كه دژی هه‌رێمی كوردستان قسه‌ی كرد، ناره‌زایه‌تیان پێشانداو، هۆڵه‌كه‌یان جێ هێشت”.
ئه‌مرۆ 10ی 3ی 2018، له سنه کۆڕێکدا لە زانکۆی “کوردستان” له شاره‌كه کە تێیدا “سەعدوڵا مەسعوودیان” سەرکونسوولی ئێران لە سلێمانی قسەی کردووە، لەدژی پێگەی هەرێمی کوردستان قسەی کردووە، خوێندکارانی کوردی بەشداری کۆڕەکە بە نیشانەی ناڕەزایی بەو قسانە بە تێکڕا هۆڵەکەیان جێ هێشتووە، هۆڵه‌كه چۆڵ بوو، ئه‌مه‌ش له‌كاتێكدا بوو سه‌ركۆنسورڵی ئێران له سلێمانی لەدژی هەرێمی کوردستان بووە و وای نیشان داوە کە هەرێمی کوردستان هیچ پێگەیەکی نییە و دوای ڕیفراندۆم لاواز بووە، ئەم قسانەش کاردانەوەی خوێندکارانی لێ کەوتووەتەوە هۆڵه‌كه‌یان جێ هێشتوو و جگەلە چەند مەلایەک کەس لەناو هۆڵەکە نەماوە”.
هه‌ر به‌گوێره‌ی ئه‌و وێنانه‌ی كه له میدیاكانی بڵاو كراوه‌ته‌وه، دوایی ناره‌زایه‌تی و جێ هێشتنی قوتابیانی كورد له‌دژی قسه‌كانی سه‌ركونسوولی ئێران له سلێمانی، هۆڵه‌كه جگه له چه‌ند مه‌لایه‌ك، هیچ كه‌سی تێدا نه‌ماوه”.
