ماوه‌ی ده‌رۆژ بۆ په‌كه‌كه دیاری كرا كه هێزه‌كانی له شنگال پاشه‌كشه پێ بكات
دوایی كۆبوونه‌وه‌یه‌كی نێوان ئه‌نجوومه‌نی پارێزگایی نه‌ینه‌وا و به‌رپرسانی حكومه‌تی ناوه‌ند، له به‌یاننامه‌یه‌كدا داوا له په‌كه‌كه ده‌كه‌ن، له‌ماوه‌ی ده‌رۆژی تر باڵه‌خانه حكومیه‌كانی شنگال چۆڵ بكات و شاره‌كه‌ش جێ بهێلێـت”.
ئه‌مرۆ دووشه‌ممه، 12ی 3ی 2018 ئه‌نجوومه‌نی پارێزگایی موسڵ له‌گه‌ل به‌رپرسانی حكومه‌تی ناوه‌ند كۆبوونه‌وه، له كۆبوونه‌وه‌كه‌دا ده رۆژ مۆڵه‌تیان به پارتی كرێكارانی كوردستان ” په‌كه‌كه ” داوه كه باره‌گایی حكومیه‌كانی شنگال چۆڵ بكات، له‌سه‌رجه‌م شاره‌كه‌ش پاشه‌كشه بكات، له‌و باره‌یه‌وه به‌شار كیكی سه‌رۆكی ئه‌نجوومه‌نی پارێزگای نه‌ینه‌وا، ته‌ئكیدی كردووه‌ته‌وه: “هه‌وڵی زیاتر ده‌ده‌ین بۆ ئه‌وه‌ی له‌و قه‌زایه بچنه ده‌ره‌وه، چونكه به‌هۆی ئه‌و چه‌كدارانه‌وه به‌رپرسه ئیدارییه‌كان ناتوانن كاره‌كانی خۆیان بكه‌ن و له‌ماوه‌ی 10 رۆژدا ئیدارییه‌كان ده‌نێرینه‌وه سه‌ر كاره‌كانیان”.
