سوپای توركیا به هه‌ڕه‌مه‌كی ناوه‌ندی عه‌فرین تۆپباران ده‌كات
هاوسه‌رۆكی ئه‌نجوومه‌نی ته‌ندروستی عه‌فرین، ئه‌نجێلا ره‌شۆ له باره‌ی بۆردوومانه‌كانی سوپای تورك بۆ سه‌ر شاری عه‌فرین و ناوه‌ندی شار رایده‌گه‌ێنێت.” كه به به‌هۆی تۆپبارانی سووپای توركیاوه نه‌خۆشخانه‌ی شاره‌كه چۆڵكراوه و، سه‌رجه‌م كه‌لوپه‌لی نه‌خۆشخانه‌كه‌ش بۆ ناوچه‌یه‌كی ئارام گواستراونه‌ته‌وه.”
له‌و باره‌وه، (ئه‌نجێلا ره‌شۆ ) هاوسه‌رۆكی ئه‌نجوومه‌نی ته‌ندروستی عه‌فرین ئه‌وه‌ی ئاشكرا كردووه.” كه به‌هۆی ئه‌و تۆپبارانه چڕ و به‌رده‌وامانه‌ی سووپای توركیا، ژماره‌ی شه‌هید و برینداری سیڤل به‌رده‌وام له به‌رزبوونه‌وه‌یه و، ئه‌وانیش چیدیكه ناتوانن ژماره‌ی شه‌هید و برینداره‌كان تۆمار بكه‌ن، دۆخه‌كه زۆر ئاڵۆز بووه و سوپای توركیا به هه‌ڕه‌مه‌كی ناوه‌ندی عه‌فرین بۆردومان ده‌كات.”
ئه‌وه‌ی شیاوی باسه.” شه‌وی رابردوو، ئه‌ردۆگان، سه‌رۆككۆماری توركیا، دووپاتیكرده‌وه، كه ئێستا به‌شیوه‌یه‌كی خێرا چوار ده‌ووری عه‌فرینمان گرتووه و له چه‌ند شه‌وی داهاتوو ته‌واووی عه‌فرین كۆنتڕۆڵده‌كه‌ین، هه‌رچه‌نده ئه‌م لێدوانه‌ی ئه‌ردۆگان، بووه مایه‌یی گاڵته جاری سه‌رانی یه‌په‌گه و پێیان وایه ئه‌ردۆگان خه‌ون ده‌بینێ و هه‌رگیز ناتوانێت عه‌فرین بگرێت.”
