دواین زانیاری له‌باره‌ی ئاڵوگۆریه‌كانی ناو مه‌كته‌بی سیاسی یه‌كێتی
به‌گوێره‌ی زانیاریه‌كانی ده‌ستی خواكوڕك كه‌وتووه دوایی شكه‌ست پێهاتنی بنه‌ماڵه‌ی تاڵه‌بانی له به‌ستنی كۆنگره، جارێكی تر بنه‌ماڵه‌ی تاڵه‌بانی له‌گه‌ڵ كۆسره‌ت ره‌سوڵ دانیشتوون بۆ ئه‌وه‌ی رێكه‌وتنێك بكه‌ن، به‌ڵام رێكه‌وتنی سه‌ره‌تایی له‌سه‌ر مه‌كته‌بی سیاسی یه‌كێتی و هه‌ڵبژاردنی مه‌كته‌بی سیاسی یه‌كێتی، ته‌نها ئه‌وه بووه كه (د.نه‌جمه‌دین كه‌ریم) وه‌ك ئه‌ندامی مه‌كته‌بی سیاسی یه‌كێتی هه‌ڵنه‌بژێردرێته‌وه، چۆته واری جێبه‌جێ كردن”.
هه‌ر به‌گوێره‌ی زانیاریه‌كانی ده‌ستی خواكوڕك كه‌وتووه، پاش كۆبوونه‌وه‌ی كۆسره‌ت ره‌سوڵ له‌گه‌ڵ (د.نه‌جمه‌دین كه‌ریم) له‌سه‌ر هه‌ڵبژاردنه‌وه‌ی مه‌كته‌بی سیاسی و پێداگری بنه‌ماڵه‌ی تاڵه‌بانی بۆ لادانی نه‌جمه‌دین كه‌ریم، كۆسره‌ت ره‌سوڵ گفتوگۆی له‌گه‌ڵ نه‌جمه‌دین كه‌ریم كردووه، ئاگاداری كردۆته‌وه”.
ئه‌مه له‌كاتێكدایه كه پێشتر بنه‌ماله‌ی تاڵه‌بانی هه‌وڵیاندا كه مه‌كته‌بی سیاسی یه‌كێتی نه‌مێنێت و كۆنگره ئه‌نجام بدرێت، به‌ڵام ئه‌م هه‌وڵه له‌لایان كۆسره‌ت ره‌سوڵ شكه‌ستی پێهێنراو به‌كۆنگره‌ی تایبه‌ت وه‌سف كرا، بۆیه دوو نامه‌ی دژ به‌یه‌ك له‌لایان كۆسره‌ت ره‌سوڵ و هێرۆ ئیبراهیم ئه‌حمه‌د بڵاو كرایه‌وه، له‌باره‌ی ئاڵوگۆڕی ناو یه‌كێتی سه‌عدی ئه‌حمه‌د پیره گوته‌بێژی یه‌كێتی رایگه‌یاند”له كۆبونه‌وه‌كه‌دا ده‌سته‌یه‌كی نوێ به سه‌رپه‌رشتی كۆسره‌ت رەسول جێگری سكرتێری گشتی بۆ به‌ڕێوه‌به‌ردنی یه‌كێتی تاوەکو ئەنجامدانی کۆنگرەی داهاتوو هه‌ڵبژێردراوه كه زۆربه‌یان ئه‌ندامانی پێشووی مه‌كته‌بی سیاسین، هه‌ر به‌گوێره‌ی قسه‌كانی پیره ئێواره‌ی ئه‌مڕۆ شەممە ده‌سته نوێکە به سه‌رپه‌رشتی كۆسره‌ت رسول عه‌لی كۆده‌بێته‌وه.
1- كۆسره‌ت ره‌سول عه‌لی
2- هێرۆ ئیبراهیم ئه‌حمه‌د
3- مه‌لا به‌ختیار
4- حاكم قادر حه‌مه جان
5- عومه‌ر فه‌تاح
6- سه‌عدی ئه‌حمه‌د پیره
7- مه‌حموود سه‌نگاوی
8- شێخ جه‌عفه‌ر شێخ مسته‌فا
9- ره‌فعه‌ت عه‌بدوڵڵا
10- رزگار عه‌لی
11- ئاسۆ ئه‌ڵمانی
12- قادر عه‌زیز
13- عه‌دنان موفتی
14- شۆڕش ئیسماعیل
15- ئه‌رسه‌لان بایز
