کارمەندانی تەندروستیی سلێمانی بایکۆتیان شکاند
دوای ئه‌وه‌ی له سلێمانی كارمه‌ندانی ته‌ندروستی له به‌رامبه‌ر پاشه‌كه‌وتی موچه‌كه‌یان بایكۆتیان راگه‌یاند ئێواره‌ی ئه‌مڕۆ له کۆنگرەی رۆژنامەڤانی سەندیکای کارمەندانی تەندروستیی، لقی سلێمانی بایكۆتیان شكاند و چوار داواکاری ئاراستەی حکومەت کرد.
یەکەم داواکاری سەندیکای کارمەندانی تەندروستیی سلێمانی، دابەشکردنی مووچەیە لە رۆژی چوارشەممە 4-4-2018، هەروەها 30 رۆژ جارێک لەکاتی خۆیدا مووچە بدرێت.
سەندیکای کارمەندانی تەندروستیی سلێمانی ئاماژە بەوەش دەکات، پێویستە حکومەت هەنگاوی دیکە بنێت بۆ نەهێشتنی پاشەکەوتی مووچە بە یەکجاری.
لە خاڵی سێیەم و چوارەمی داواکارییەکاندا هاتووە “دیاریکردنی چارەنووسی مووچە فەوتاوەکان. وەڵامدانەوەی حکومەت بۆ دامەزراندنی خۆبەخشەکان و ئاوڕدانەوەی جیدی لێیان هاوشێوەی برا پزیشکەکان”.
