تیرۆریستانی داعش له‌م ناوچانه بڵاوبوونه‌ته‌وه و هه‌ڕه‌شه ده‌كه‌ن.
له باره‌ی بڵاوبوونه‌وه‌ی چه‌كدارانی داعش له سنوری پارێزگای دیاله، بەڕێوەبەرایەتی پۆلیسی دیالە رایده‌گه‌ێنێت.” كه چەکدارانی داعش لە دوو ناوچەی پارێزگاکەدا بڵاوبوونەتەوەو لەو شوێنانەی كه ده‌گا ئەمنیه‌كان لاوازە.”
له‌و باره‌وه، گوتەبیژی پۆلیسی دیالە (عەقید غالب عەتییە) رایگه‌یاندوه. ” كه ژمارەیەک لە شانە نوستووەکانی داعش ھەوڵ دەدەن پەلبھاویژن بۆ باشووری ناوچەی بەھرۆز و شارەدێی کەنعان و سەختی جوگرافیای ناوچەکە بقۆزنەوە کە لە زنجیرە چیاکانی حەمرینەوە نزیکن، له ئێستاشدا هێزه ئه‌منیه‌كان له ھەواڵگری و پۆلیسی پارێزگای دیالە بە پشتبەستن بەو زانیاریانەی لەلایەن ھاووڵاتیانەوە دەگەن، چاودێری ئەو گرووپانە دەکەن و ھەوڵ دەدەن کۆتایی بەو چەتانە بھێنن”.
عەقید غالب عەتییە، گوتەبێژەکەی پۆلیسئه‌وه‌ش ئاشكرا ده‌كات.” كه ئەوانە پاشماوەی چەکدارانی داعشن و ناتوانن مەترسی بۆ سەر ئاسایشی پارێزگاکە درووست بکەن، چونکە ئەو ناوچانەی ئەوان ھەوڵی بۆ دەدەن دوورن لەو ناوچانەی خەڵکیان تێدا نیشتەجێیە و باخ داستانەکان بەکاردەھێنن”.
ئه‌وه‌یش یاوی باسه.” له ئێستادا چه‌كدارانی داعش له زۆرێك له پارێزگا سوونیه‌كانی عێراق بڵاوبوونه‌وه‌ته‌وه رۆژانه چه‌ندین چالاكی جۆرا و جۆر ئه‌نجامده‌ده‌ن و له ئێستاشدا له خۆ ئاماده‌كردنن بۆ چه‌ندین پرۆسه‌ی سه‌ربازی و داگیركردنی چه‌ند ناوچه‌یه‌كیش، له پارێزگای كه‌ركوك و دیال و موسل و تكریت و حكومه‌تی عێراقیش هیچ كارێكی ئه‌وتۆی پێ ناكرێت به‌رامبه‌ریان و داواشده‌كریت كه هێزی پێشمه‌رگه به‌په‌له بگه‌ڕێندریته‌وه بۆ ئه‌وه‌ی به‌شێك له‌و ناوچانه بپارێزرێت كه پێش خیانه‌ته مه‌زنه‌كه‌ی 16ی ئۆكتۆبه‌ر له‌به‌رده‌ستی هێزی پێشمه‌رگه‌ی كوردستان بوون و پارێزراوبن.”
