دواين زانيارى له‌باره‌ی كۆبوونه‌وه‌ی سه‌رۆك بارزانی و باڵیۆزی رووسیا له‌عێراق
ئه‌مرۆ 10ی 4ی 2018 له سه‌لاحه‌دین سه‌رۆك بارزانی له‌گه‌ڵ باڵیۆزی رووسیا له عێراق كۆبۆوه، له‌كۆبوونه‌وه‌كه‌دا، سه‌رۆك بارزانی سوپاسی هەڵوێستی دۆستانە و هاوسەنگ و واقعبینانەی ڕووسیای فیدڕاڵ ده‌كات و باڵیۆزی رووسیا له عێراق بایه‌خی وڵاته‌كه‌ی بۆ په‌یوه‌ندییه‌كانیان له‌گه‌ڵ هه‌رێمی كوردستان ده‌خاته رووـ،
هه‌ر له میانی دیداره‌كه‌ی دا، په‌یوه‌ندییه‌كانی نێوان هه‌ر دوو لا و ره‌وشی سیاسی ناوچه‌كه تاووتوێ كراوه‌و دوایین پێشهاتە سیاسییەكان و بابەتی ڕووبەڕووبوونەوەی تیرۆر خراوه‌ته روو”.
له‌میانی دیداره‌كه‌ی دا له‌گه‌ڵ سه‌رۆك بارزانی، ماكسیم ماكسیمۆڤ باڵیۆزی ڕووسیا لە عێراق، سڵاوی تایبەتی وەزیری دەرەوەی وڵاتەكەی بە سەرۆك گەیاند و وێڕای ئاماژەدان بە پەیوەندییە مێژووییەكانی نێوان ڕووسیا و گەلی كوردستان گووتی: “هەرێمی كوردستان بۆ ڕووسیا بایەخێكی تایبەتی هەیە و وڵاتەكەی خوازیاری مامەڵەكردنە لە گەڵ هەرێمی كوردستان،هه‌روه‌ها هیوای خواست كە ئەو پەیوەندییانە گەشە پێ بدرێن و ئامادەیی كۆمپانیاكانی ڕووسیایشی بۆ فراوانتركردنی پەیوەندییەكان لە كەرتی نەوت و ئابووری لەگەڵ هەرێمی كوردستان خستەڕوو”.
سەرۆك بارزانی سوپاسی هەڵوێستی دۆستانە و هاوسەنگ و واقعبینانەی ڕووسیای فیدڕاڵ كرد لەمەڕ بارودۆخی سیاسی و ئەو تەحەددیاتەی كە لە چەند مانگی ڕابردوو بۆ هەرێمی كوردستان هاتنە ئارا، ئەوەیشی خستەڕوو كە پێكەوەژیان و ئاشتیخوازی و نەبوونی حەساسیەتی ئایینی و مەزهەبی بەشێكی گرنگی فەرهەنگی گەلی كوردستان پێكدەهێنن
باڵیۆزی رووسیا له عیراق، پێزانینی بۆ گەل و حكوومەتی هەرێمی كوردستان هەبوو كە پارێزەری مافی مەسیحییەكان و پێكهاتە ئایینی و نەتەوەییەكانی ترە.
