نرخی نه‌وت له سه‌رووی 71 دۆلاره‌وه مامه‌ڵه‌ی پێوه‌ده‌كرێت.
ئەمڕۆ هه‌ینی 13/4/2018 نرخی نەوت لە بازاڕەکانی جیهاندا بەرز بووەوە و نرخی بەرمیلێک نەوتی لەسەروو 71 دۆلارەوە مامەڵەی پێوە کرا.”
ئاژانسەكانی ئابووری لە جیهان بڵاویان كردەوە ئەمڕۆ 13ی 4ی 2018 نرخی نەوت لە بازارەکانی جیهاندا ڕووى لە بەرزبونەوە کردووە و نرخى بەرمیلێک نەوتى برێنت بە 71 دۆلار و 96 سەنت مامەڵەى پێوەکرا.
هاوکات نرخی بەرمیلێک نەوتی خاوى ئەمریکى لە بازاڕەکانی جیهاندا بە 66 دۆلار و 99 سەنت مامەڵەی پێوەکرا.
ئەمەش لەکاتێکدایە کە لەماوەی ڕابردوودا و دوای ڕێککەوتنێکی ئۆپیک بۆ کەمکردنەوەی بەرهەمهێنانی نەوت، نرخی نەوت ڕووی لە بەرزبوونەوە کرد.
