نێچیرڤان بارزانی و مه‌سرور بارزانی ده‌ستیان پێكرد
له‌چوارچێوه‌ی هه‌ڵمه‌تی بانگه‌شه بۆ هه‌ڵبژاردنی خوڵی داهاتوو په‌رله‌مانی عێراق ئەمڕۆ دووشەممە 16-4-2018 پارتی دیموکراتی کوردستان بانگەشەی هەڵبژاردنی لە هەولێر دەستپێکرد. نێچیرڤانی بارزانی و مه‌سرور بارزانی به‌شداریان كرد له بانگه‌شه‌ی هه‌ڵبژاردنی پارتی دیموكراتی كوردستان”.
پاش ئه‌وه‌ی بانگه‌شه‌ی هه‌ڵبژاردن ده‌ستی پێكرد، پارتی دیموكراتی كوردستان له‌ژێر دروشمی ده‌ستكه‌وتی زیاتر بۆ كوردستان، به ئاماده بوونی ( نێچیرڤان بارزانی و مه‌سرور بارزانی) بانگه‌شه‌ی هه‌ڵبژاردنی ده‌ستی پێكرد”.
نێچیرڤان بـارزانـی تیشكی خسته سه‌ر ڕۆلی سه‌رۆك بارزانی و ڕایگه‌یاند :” له2003 وه جه‌نابى سه‌رۆك بارزانى ، كارى گه‌وره‌ى بۆ كورد كرد له‌به‌غدا وه‌له‌ڕه‌شنووسى ده‌ستورى هه‌میشه‌ى عێراق توانى مافه ڕه‌واكانى كوردستان جێگیر بكات”.
نێچیرڤــان بارزانی له گوتاره‌كه‌یدا ڕاشیگه‌یاند :” پارتى دیموراتی كوردستان پێگه‌یه‌گى گرنگى پێكهاته‌یى عێراقه، پارتى سازش له‌مافه ده‌ستوریه‌كانى خه‌لكى كوردستان ناكات ، پارتى ده‌یه‌وێت به‌هێزێكى گه‌وره‌وه له‌به‌غدا بمینێته‌وه” .
له كۆتایی گوتاره‌كه‌یدا ( نێچیرڤان بارزانی ) گوتیشی : یه‌ك ده‌نگیش بۆ پارتى گرنگه ، ده‌بێت هه‌موومان ڕۆژى هه‌ڵبژاردن بچینه سه‌ر سه‌ندوقى ده‌نگ دان ده‌نگ به 184 بده‌ین. پارتی دیموکراتی کوردستان خۆڕاگرانه و شێلگیرانه خاوەنی دۆزە گەورەکەیە، دۆزی گەلێک، کە بەردەوام لە کۆڕی ڕاستەقینەی خەبات دایە لە پێناو چه‌ندین چەمکی ڕۆشنیی سەردەمیانە، کە خۆیان لە: ئازادی، پێکەوەژیانی دیموکراسی و کوردستانێکی گەشتر بەرجەستە دەکات.
