عه‌بادی پشتی به‌كۆنه به‌عسییه‌كان به‌ستووه,سه‌رۆكی لیسته‌كه‌ی له‌كه‌ركووك ئاوه‌ڵزاوای عیزت دووریه
دوای ئه‌وه‌ی عه‌بادی بڕیاری دا له ده‌ره‌وه‌ی حزبی ده‌عوه لیستێك بۆ هه‌ڵبژاردنه‌كانی عێراق پێكبهێنێت, له ئێستادا له ناوچه سونیه‌كان پشتی به ئه‌ندامانی پێشووی حزبی به‌عس به‌ستووه به جۆرێك كه‌سی نزیكن له سه‌ركرده باڵاكانی نزیك “سه‌دام حسێن”، له‌نێویشاندا، هاوه‌ڵزاوایه‌كی عزه‌ت دووری، كراوه به‌سه‌رۆكی لیسته‌كه له كه‌ركووك.
په‌رله‌مانتارێكی پێشووی عێراق كه نه‌یویست ئاماژه به ناوه‌كانی بدرێت به میدیا عه‌ره‌بیه‌كانی رگه‌یاندووه:” له ئێستادا زۆرترین به‌ر بژێرانی لیسته‌كه‌ی عه‌بادی له ناوچه سونیه‌كان, به‌عسین وادیاره حه‌یده‌ر عه‌باری ئه‌وه‌ی له‌به‌رچاو گرتووه، كه كه‌سایه‌تییه سیاسییه ته‌قلیدییه‌كان له‌و ناوچانه ده‌نگ به‌ده‌ست ناهێنن، بۆیه په‌نای بۆ ئه‌و كه‌سایه‌تییانه بردووه”.
هه‌روه‌ها سادق موسه‌وی، سیاسه‌تمه‌دار و چاودێر، له په‌یجی تایبه‌تی خۆی نووسیویه‌تی: “ده‌نگده‌ری به‌ڕێز، ئایا ده‌زانێت، سوفیان عومه‌ر عه‌لی، سه‌رۆكی لیسته‌كه‌ی عه‌بادی له كه‌ركووك، هاوه‌ڵزاوای عزه‌ت دووری، ئه‌مینداری گشتیی ئێستای حزبی به‌عسی هه‌ڵوه‌شاوه‌یه”.
