ئەمریکا یەک ملیۆن دۆلار دەدات بۆ دۆزینەوەی ڕۆژنامەنوسێکی وڵاتەکەی
![](https://xwakurk.com/wp-content/uploads/2018/04/1-1-1.jpg)
ئهمریکا بڕیاریدا یەک ملیۆن دۆلار بداتە هەرکەسێک زانیاری ڕاستەوخۆ لەسەر ڕۆژنامەنوس ئۆستن تایسک بدات پێیان کە ماوەی شەش ساڵە لە سوریا بێسەر و شوێن بووە.
ئۆستن تایس وەک ڕۆژنامەنووسێکی سەربەخۆ لە ژمارەیەک کەناڵی بیانی کاری کردووە و لە ١٤ـی ئابی ٢٠١٢ـەوە لە نزیک دیمەشق لە سوریا بێ سەروشوێن بووە.
“ئێف بی ئای” نوسینگەی لیکۆڵینەوەی فیدراڵ ڕایگەیاند، ئەو هاوکارییە دەدرێت بەو کەسەی زانیاری دروست و ڕاستەوخۆ دەدات لەبەرانبەر شوێنی ڕۆژنامەنووسەکە و دەربازکردنی بۆ شوێنێکی ئارام، و دەڵێ ئەو ڕۆژنامەنووسە پەیوەندی بەهیچ ڕووداوێکی دیاریکراوەوە نەبووە.