ئه‌حمه‌دی حاجی ره‌شید: ئێمه ده‌چین به‌غدا بۆ پاراستنی یه‌كپارچه‌ی خاكی عێراق
له دیمانه‌یه‌كی دا له‌گه‌ڵ رادیۆی ده‌نگی ئه‌مریكا ئه‌ندام په‌رله‌مانی كۆمه‌ڵ و كاندیدی لیستی كۆمه‌ڵ، رایده‌گه‌نێنێت، با كه‌س مزایه‌ده‌مان به‌سه‌روه نه‌كات، ئێمه ده‌چینه عێراق بۆ یه‌كپارچه‌ی خاكی عێراق و سوێندی یاسایی به یه‌كپارچه‌ی خاكی عێراق ده‌خۆن، مووسه‌ننا ئه‌مینیش ده‌لێت له سوێندی یاسایی دا نه‌هاتووه كه سوێند به یه‌كپارچه‌ی خاكی عێراق بخورێت”.
ئه‌حمه‌د حاجی ره‌شید دوور له روانگه‌ی دیباجه‌ی ده‌ستور كه ده‌لێت ده‌وڵه‌تی عێراق ده‌وڵه‌تێكی فیدراڵ و شه‌راكه‌ت و ئاره‌زوو مه‌ندانه‌یه، ده‌لێت له سوێندی یاساییه‌كه‌دا سوێند به یه‌كپارچه‌ی خاكی عێراق ده‌خۆین و ئه‌وه‌شی باوه‌ری به یه‌كپارچه‌ی خاكی عێراق نیه با نه‌یه‌ته به‌غدا و ئێمه جێگایی ناكه‌ینه‌وه، له به‌غدا، هه‌روه‌ها ده‌شلێـ”له‌ڕووه دینیه‌كه‌شیه‌وه بێگومان ئه‌و سوێنده كه‌وتووه و حه‌رامه سزاكه‌شی لای خوای گه‌وره‌یه،هه‌ندێك سوێند كه‌كه‌وت ده‌توانی كه‌فاره‌ت بده‌ی و تاوانه‌كه‌ی لاچێث له‌سه‌ر به‌ڵام ئه‌و جۆره سوێنده ناتوانرێت كه‌فاره‌تی بده‌ی چونكه سزاكه‌ی هه‌ڵگیراوه بۆ دواڕۆژ ئه‌وه پێی ده‌وترێت(یمینی غموز).”
هه‌روه‌ها ئه‌و كاندیده‌ی كۆمه‌ڵ ده‌شلێـ”له‌دوای ئه‌م چاوپێكه‌وتنه‌وه كه بۆ خه‌ڵك و په‌رله‌مانتارم ڕونكرده‌وه ئه‌گه‌ر سوێندی ده‌ستوری بخۆیت و بڕوات به‌یه‌كپارچه‌یی خاكی عیراق نه‌بێت ئه‌وا له‌ڕووی یاساییه‌وه سیفه‌تی په‌رله‌مانتاری هه‌ڵده‌وه‌شێته‌وه،وه له‌ڕوی شه‌رعیشه‌وه حه‌رامی كردووه،ده‌شڵێت”كه‌سێك ئه‌وه‌نده ئازابێت جا په‌رله‌مانی عیراقی بۆچیه؟ بۆ دێت ده‌بێته ئه‌ندام؟یا ئه‌گه‌ر ڕاست ده‌كات بابێت له‌به‌غداد له‌كۆنگره‌یه‌كی ڕۆژنامه‌وانی بڵێت،بڕوام به‌یه‌كپارچه‌یی خاكی عیراق نیه.”
به‌پێی مادده(٥٠)له‌ده‌ستوری هه‌میشه‌یی عیراقی،كاتێك كاندیدێك ڕێژه‌ی ده‌نگی پێویست ده‌هێنێت بۆ بوون به ئه‌ندام په‌رله‌مانی ده‌بێت سوێندی ده‌ستوری به‌م شێوه‌یه بخوات”سوێند بێت به‌خوای مه‌زن،ئه‌رك و به‌رپرسیارێتی یاسایم به‌لێبڕاوانه و دڵسۆزانه جێ به‌جێ بكه‌م و پارێزگاری له‌سه‌روه‌ری عیراق بكه‌م و به‌رژه‌وه‌ندی گه‌له‌كه‌ی له‌به‌رچاو بگرم و شه‌ونخونی بكه‌م بۆ سه‌لامه‌تی زه‌وی و ئاسمان و ئاو ه سامان و ڕژێمه دیموكراتیه‌كه‌ی و فیدراڵیه‌كه‌ی و كاربكه‌م بۆ پارێزگاری كردن له ئازادیه گشتی و تایبه‌تیه‌كان و سه‌ربه‌خۆیی دادگا و پابه‌ندبوون به‌جێ به‌جێ كردنی یاساكان به ئه‌مانه‌ت و بێلایه‌نیه‌وه،خواش شاهێده له‌سه‌ر ئه‌وه‌ی ده‌یڵێم، به‌پێی ئه‌م ده‌قه هیچ نه‌سێك باس له یه‌كپارچه‌ی خاكی عێراق ناكات و باسی سه‌روه‌ری ده‌كات، كه‌كاتێك هێزێك هێرش بكات ئه‌و باپه‌ند ده‌بێت به پاراستنی سه‌روه‌ری، نه‌ك یه‌كپارچه‌ی خاكی عێراق، وه له دیوی سوێنده یاساییه‌كه‌شدا باس له پاراستنی دیموكراتی و فیدراڵی و جێبه‌جێ كردنی ده‌ستوور ده‌كات، به‌ڵام له‌م خاڵه‌دا ئه‌و ئه‌ندام په‌رله‌مانه بێده‌نگه و ئاماده نیه به‌وشه‌یه‌كیش دژی ئه‌و هه‌موو پێشه‌ڵكاریه ده‌ستووره ببێته‌وه”.
