ئه‌مریكا پشگیری له كوردستانێكی به‌هێز و یه‌كگرتوو ده‌كات
ئه‌مرۆ مه‌سرور بارزانی راوێژكاری ئه‌نجوومه‌نی ئاسایشی كوردستان پێشوازی كرد له جەنەرال پاول فانک و شاندی یاوەری کە پێکهاتەیەکی دیپلوماسی و سەربازی بوو کرد، له دیداره‌كه‌دا دوا رەوشی ناوچەکە و پەیوەندییەکانی ئەمەریکا و هەرێمی کوردستان لە بواری جیاجیادا تاوتوێ کران”.
به‌پێی راگه‌یاندراوێكی ئه‌نجوومه‌نی ئاسایشی كوردستان له‌میانی پێشوازی كردنی شاندی ئه‌مریكا، ئه‌مریكیه‌كان دووپاتیان کردەوە کە وەک کیانێکی دەستووری پشتگیری لە هەرێمی کوردستانێکی بەهێز و یەکگرتوو دەکەن و خوازیارن پەیوەندییەکانیان لە گەل هەرێمی فراوانتر و بەهیزتر ببێت.
لە بارەی مەترسییەکانی سەرهەڵدانەوەی کردەوە تیرۆریستیەکان، شاندی ئەمەریکی پشتگیریی خۆیان بۆ هەماهەنگیی نێوان هێزی پێشمەرگە و هێزی هاوپەیمانان و هێزە عێراقیەکان دووبارە کردەوە و رایانگەیاند کە خوازیارن ئەو هەماهەنگیانە لە گشت ناوچەکان پەرەیان پێ بدرێت.
لە بەرامبەردا مەسرور بارزانی جەختی لە سەر پێویستیی هاوکاریی هەمە لایەنە کردەوە تاکو هەرچی زووتر زەمینەی لەبار بۆ ئاسایی کردنەوەی دۆخەکە برەخسێت و بە چارەسەریی کێشە سیاسی و ئیداری و دەستوریەکان هۆکارەکانی سەرهەڵدانەوەی توندوتیژی بنبڕبکرێن.
