ئاسۆ مامه‌ند: داوا له پارتی ده‌كه‌ین له كه‌ركووك و ناوچه داگيركراوه‌كان لایه‌نگرانیان ده‌نگ به یه‌كێتی بده‌ن
دوای ئه‌وه‌ی به هۆی خیانه‌تی گرووپێكی یه‌كێتی له 16ی ئۆكتۆبه‌ر, كه‌ركووك و خورماتوو به‌شێك له خاكی كوردستان له لایه‌ن سوپای پاسداران و حه‌شدی شه‌عبی داگیركرا, دوای ئه‌وه‌ی خه‌لكی ئه‌و ناوچانه رووبه‌رووی ته‌عریب بوونه‌ته‌وه, پارتی بۆ شه‌رعیه‌ت نه‌دان به‌و داگیركاریه بڕیاری بایكۆتی هه‌ڵبژاردنی له‌و ناوچانه دا, یه‌كێتی داوا ده‌كات كه لایه‌نگرانی پارتی ده‌نگ به یه‌كێتی بده‌ن.
ئاسۆ مامه‌ند به‌ر پرسی مه‌ڵبه‌ندی یه‌كێتی له كه‌ركووك رایگه‌یاند:” به‌شداری نه‌كردنی پارتی له هه‌ڵبژاردنه‌كان له كه‌ركووك و خورماتوو ده‌بَته هۆی فه‌وتانی زیاتر له 60000 هه‌زار ده‌نگی كورد له‌و ناوچانه بۆیه داواكارین پارتی هاوكارمان بێت هانی ئه‌ندام و لایه‌نگرانی بدات ده‌نگ به یه‌كێـتی بده‌ن.
ئه‌و به‌ر پرسه‌ی یه‌كێتی گوتوشیه‌تی مه‌ترسی گه‌وره له‌سه‌ر پێگه‌ی كورد هه‌یه له ناوچه‌كه‌دا, بۆیه داوا ده‌كه‌ین كورد به‌شداری هه‌لبژاردن بكات, حزبه كوردستانیه‌كان هه‌وڵی زیاتر بده‌ن. جارێكی دیكه‌ش هه‌وڵبده‌ین داوا له پارتی بكه‌ین كه ده‌نگه‌كانیان به ئێمه بده‌ن.
