ساسان عه‌ونی : پارتی حزبی کردار و پرسی ڕەوا و گەنجی تازەیە
ساسان عەونی، ئەندامی سەرکردایەتیی پارتی دیموکراتی کوردستان، ڕایگەیاند: کە هۆکاری سه‌ركه‌وتنی پارتی بۆ ئەوەدەگەڕێتەوە کە حزبێکە بەردەوام نوێیە و نوێ دەبێتەوە، چونکە پارتی تاکە حزبە کە پێویستبوونی مێژووی پرسێک و بە ئامانجگەیاندنی کوردستان بە مافی چارەنووس دروستی کردووە، نەک پەرچەکردار و لێکترازان، ویستی کەسی دروستی نەکردووە، بۆیە لێرەدا جیاوازییەکی گەورە لە دروستبوونی بەدیار دەکەوێت“.
ئه‌و ئه‌ندامه‌ی سه‌ركردایه‌تی پارتی دیموكراتی كوردستان ڕاشیگه‌یاند :” بەپێی سەردەم و کات گۆڕانکاری بەسەر نوێبوونەوەی پارتیدا ھاتووە و ھەرگیز دروشمێکی ھەڵنەگرتووە، کە لەگەڵ ئەو قۆناغ و سەردەمەی تێیدایە نەگونجێت، لەگەڵ ئەوەشدا دروشمەکانی پارتی لە سەردەمەکانی پێشتری نەچووە و بەردەوام پێکەشەوتنی بەخۆوە بینیوە و بۆ دواوە نەگەڕاوەتەوە.
ساسان عه‌ونی دەشڵێت: ”میتۆد و بەرنامەی پارتی لەگەڵ ھەر حزبەکانی تر جیایە، میتۆدێکی واقیعییە و لەگەڵ سەردەمی خۆی دەگونجێت، چونکە میتۆدی پارتی میتۆدێک نییە کار لەسەر سۆز لە پێناوی دەنگی توێژێک و خولیای کەسێک بۆ ناوبانگ دەرکردن بکات، ھەروەھا درۆی ھەڵبژاردن لەگەڵ پڕ جوڵەترین و پڕ ھەستترین توێژی دانیشتوانی کوردستان بکات“.
هه‌روه‌ها گوتیشی :” پارتی لە ڕێگەی ڕێکخراوە جەماوەرییەکانی وەک یەکێتیی قوتابیان، یەکێتیی لاوانەوان، ئۆرگانە حزبییەکان و بەھۆی ھەڵبژاردنەوە بەردەوام پڕۆسەی نوێبوونەوەی تێدا بەڕێوەدەچێت، پارتی حزبی کردار و پرسی ڕەوا و گەنجی تازەیە، بۆیە ڕێکخراو و ئۆرگانەکانی پارتی ئەو دەروازانەن کە گەنج بە ئاسانی لێیەوە دەتوانن بێنە ژوورەوە و خۆیان بسەلمێنن“.
