ئۆپیك له‌ ئامانجی كۆبوونه‌وه‌كان سه‌ركه‌و‌توو بوو

خواكوڕك

دوێنی چوارشه‌ممه‌ 28/9/2016 رێكخراوی ئۆپیك كۆبوونه‌وه‌ی لوتكه‌ی خۆی له‌ وڵاتی جه‌زائیر ئه‌نجامدا و به‌شێكی گرنگی سه‌باره‌ت به‌ ئامانجه‌كانی كۆبوونوه‌كه‌ به‌ده‌ستهێنا.

كۆبوونه‌وه‌ی وڵاتانی ئه‌ندام له‌ رێكخراوه‌كه‌ به‌مه‌به‌ستی دۆزینه‌وه‌ی میكانیزمێك بۆ چۆنیه‌تی به‌رزكردنه‌وه‌ی ئاستی نرخی نه‌وت و كه‌مكردنه‌وه‌ی قه‌باره‌ی به‌بازاڕكردن له‌چاو خواستی نه‌وت، ئه‌نجامدرا و له‌ كۆبوونه‌وه‌كه‌ رێگه‌چاره‌ی (سڕكردنی به‌رهه‌مهێنانی نه‌وت) وه‌كو باشترین بژارده‌ ده‌نگی له‌سه‌ر درا.

رێککەوتنەکە لە مانگی تشرینی دووەمی ئەمساڵ دەچێتە بواری جێبەجێکردن. دوای رێککەوتنەکەی ئۆپێک، نرخی نەوتی سووکی ئەمریکی بە رێژەی 3.6% بەرزبووەوە و نرخی نەوتی خاوی برێنتیش بە رێژەی 4.75% بەرزبووەوە و نرخی یەک بەرمیل نەوتی خاوی برێنت گەیشتە 49 دۆلار.

ئه‌م هه‌نگاوه‌ی ئۆپیك دوای ئه‌وه‌ دێت، كه‌ نرخی نەوت بەهۆی خاوبوونەوەی گەشەی ئابووری جیهان لە دوو ساڵی رابردوودا رووبەڕووی گەورەترین دابەزین هاتووە و 60% بەهای خۆی لە دەستداوە.