خهليل سهركانى: روداوهكانى 16ى ئۆكتۆبهر لە بیری خەلک نەچووە، يهكێتى خیانەتی کرد
![](https://xwakurk.com/wp-content/uploads/2017/12/1-58.jpg)
خەلیل سەرکانی، ئەندامی جڤاتی گشتیی بزووتنەوەی گۆڕان، سەرسوڕمانی خۆی لەوە دەربڕی کە یەکێتی چۆن دەڵێت لە شاری سلێمانی ”یەکەمین هێزی سیاسی دەبين یان دەنگێکی زۆر دەهێنين“ ڕاگەیاند:”شکستەکانی ڕابردووی یەکێتی دیارە ومەگەر تەنیا ھەموو قەوارە سیاسییەکان و خودی کۆمسیۆنی باڵای سەربەخۆی ھەڵبژاردنەکان، بەرامبەر تەزویرەکانی یەکێتی بێدەنگی ھەڵبژێرن“.
ئەو ئهندامهی جڤاتی گشتیی بزووتنەوەی گۆڕان راشيگهياند:” بەرھەم ساڵح، ”زەڕبەیەکی گەورەی لە یەکێتی داوە و لایەکی دەنگەکانی یەکێتی بۆ خۆی دەبات، بەجۆرێک لەم ھەڵبژاردنەی پەرلەمانی عێراقدا نیوەی کورسییەکانی یەکێتی کەم دەکات، بێگومان ئەمەش یەکێتی ھێندەی دیکە بچووک دەکاتەوە“.
خهليل سهركانى دهڵێت :”یەکێتی ھیچ دەست و دیارییەکی باشی بۆ خەڵکی کوردستان پێ نەبووە و لەدوای ڕووداوەکانی ١٦ی ئۆکتۆبەرەوە، ڕۆڵێکی خراپی بینیوە، بۆیە باوەڕ ناکەم خەڵکی کوردستان، جارێکی دیکە دەنگ بەو حزبە بداتەوە، چونکە خەڵکی لە سیاسەتی یەکێتی ناڕازین“.
گوتيشى :کۆماری ئیسلامیی ئێران ”ئایندە“ی یەکێتی بۆ ڕوون بووەتەوە و ”دواجار ڕەنگە ئێران بەدوای بەدیلێکی دیکەدا بگەڕێت“.