گرژی و لێدوانه‌كانی نێوان ئه‌مریكا و روسیا ده‌چێته قۆناغێكی نوێ
خواكوڕك
دوای ئه‌و هێرشه خوێناویه‌ی دوێنی فرۆكه جه‌نگیه‌كانی روسیا ئه‌نجامیاندا بۆ سه‌ر حه‌له‌ب و بووه هۆكاری كوژرانی زیاتر له 40 هاوڵاتی سڤیل، وه‌زاره‌تی ده‌ره‌وه‌ی ئه‌مریكا به به‌یاننامه‌یه‌ك ئیدانه‌ی ئه‌و كاره‌ی كرد و هیوای خواست جه‌نگ بۆ ماوه‌ی حه‌وت رۆژ له‌و شاره بوه‌ستێنرێت.
وەزارەتی دەرەوەی ئەمەریكا بڵاوی كردەوە جۆن كێری وەزیری دەرەوەی ئەمریكا بە تەلەفۆن قسەی لەگەڵ سێرگی لاڤرۆڤ وەزیری دەرەوەی رووسیا كردووە و پێی گوتووە، رووسیا بەرپرسیارە لەو هێرشانەی دەكرێنە سەر حەلەب و ئەگەر بەردەوام بێت، ئەوا دانوستانەكان رادەگرێت.
هه‌ر ئه‌مرۆش 29/9/2016 سێرگی ریابكۆف جێگری وه‌زاره‌تی ده‌ره‌وه‌ی روسیا له لێدوانێكی رۆژنامه‌وانی رایگه‌یاند، كه وڵاته‌كه‌ی ئاماده نیه هێرشه‌كانی بۆسه‌ر گرووپه چه‌كداره‌كان له‌و وڵاته بوه‌ستێنێت، و به‌یاننامه‌كه‌ی ئه‌مریكاشی به (كاردانه‌وه‌ی فواری) له‌قه‌ڵه‌مدا.
ریابكۆف رایده‌گه‌یه‌نێت ئه‌مریكا به پشگیری كردنی گرووپه تیرۆریستیه‌كان به‌رژه‌وه‌ندیه‌كانی ئه‌و وڵاته له سوریا ده‌خاته مه‌ترسیه‌وه و پێویسته ئه‌و وڵاته سنووری به‌رژه‌وه‌ندیه‌كانی ئێمه له‌به‌رچاو بگرێت، هه‌روه‌ها له لێدوانه‌كه‌یدا ده‌ستپێشخه‌ریه‌كی وڵاته‌كه‌ی خسته‌ڕوو، رایگه‌یاند وڵاته‌كه‌ی ئاماده‌یه وه‌كو هه‌ڵمه‌تێكی مرۆیی بۆ ماوه‌ی 48 كاتژمێر ئاگربه‌ست له‌و شاره ئه‌نجام بدات.
