سه‌لاحه‌دین به‌هائه‌دین بۆ به‌رهه‌م ساڵح, چاكسازی به كۆنه دز ناكرێت
دوای ده‌ستپێكردنی بانگه‌شه‌ی هه‌ڵبژاردن بۆ هه‌ڵبژاردنی خولی چواره‌می په‌رله‌مانی عێراق, حزب و قه‌واره سیاسیه‌كانی كوردستان ده‌ستیان كردووه به كه‌مپینی هه‌ڵبژاردن, له درێژه‌ی كه‌مپینه‌كانی ئه‌مینداری یه‌كگرتوو له سۆران, گوتی:” چاكسازی به كۆنه‌دز ناكرێت” ئه‌م له كاتێكدایه كه به‌رهه‌م ساڵح وه‌ك قه‌واره‌یه‌كی نوێ هاتۆته گۆڕه‌پانی سیاسی و ده‌لێت چاكسازی ئه‌نجام ده‌دات.
سه‌لاحه‌دین به‌هائه‌دین ئه‌مینداری گشتی یه‌كگرتوو له میانه‌ی به‌رێوه چوونی كه‌مپینی هه‌ڵبژاردنه‌كانی له شاری سۆران رایگه‌یاندووه:” ئێستا كه‌سانێك دروشمی چاكسازیان به‌رۆز كردۆته‌وه له كاتێكدا پێشتر به‌شێك بوونه له وێرانه‌كانی ئه‌م وڵاته بۆیه ئێمه دڵنیاین كه چاكسازی به كۆنه دز ناكرێت.
ئه‌مینداری یه‌كگرتوو گوتوشیه‌تی:” ئێمه ده‌توانین ببینه به‌شێك له چاكسازی وڵات و رۆڵی نه‌ته‌وه‌ی ئاینی خۆمانمان ببینین, به‌ڵام ئێستا كۆنه‌دز له رێگای میدیاو خۆ عه‌رزكردنیان هاتوون به خه‌لكی بلێن ئێمه چاكسازی ده‌كه‌ین ده‌ی كه ئێوه سرۆك وه‌زیران بوون بۆنه‌تان كرد.
