سه‌رۆكی لیستی شیوعی له‌كه‌ركووك, ئاخ یه‌كێتی چۆن حه‌یاوبردین له كه‌ركووك
دوای ئه‌وه‌ی حه‌شدی شه‌عبی به هاوكاری گرووپی خیانه‌تكاری یه‌كێتی له 16ـی ئۆكتۆبه‌ری 2017 كه‌ركووكیان داگیر كرد, له ئێستادا كه عێراق له‌به‌رده‌م هه‌ڵبژاردندایه لیست و قه‌واره كوردیه‌كان ناتوانن به ئازادانه بانگه‌شه بۆ خۆیان بكه‌ن, ئاڵای كوردستان به هه‌موو شێوه‌یه‌ك قه‌ده‌غه‌یه سه‌رۆكی لیستی شیوعیش ده‌لێت:” یه‌كێتی حه‌یای كوردی برد له‌و شاره”.
دلێر محه‌مه‌د شه‌ریف، سه‌رۆكی لیستی حزبی شیوعی كوردستان له پارێزگای كه‌ركووك رایگه‌یاندووه:” به‌داخه‌وه ئه‌و ده‌سه‌ڵاته‌ی كه ئێستا له كه‌ركوك هه‌یه به‌خراپی مامه‌ڵه ده‌كه‌ن و ئه‌و هه‌قه‌یان نییه رێگه له‌هیچ لایه‌نێك بگرن كه ئاڵایان هه‌بێت، چونكه كه‌ركوك پڕه له ئاڵای حسێن و عه‌لی بۆیه ئه‌گه‌ر مه‌سه‌له‌كه ده‌ستوری بێت هی ئه‌وانیش ده‌ستوریی نییه، به‌ڵام بۆ ده‌بێت رێگه له ئاڵای كوردستان بگیرێت، بۆیه تائێستا حه‌شدی شه‌عبی و دژه تیرۆر له‌و روه‌وه خه‌ڵك بێزار ده‌كه‌ن.
سه‌رۆكی لیستی شیوعی ده‌شلێت:” كورد له ژێر فشارێكی زۆردایه ناتوانن به ئازادانه مامه‌له بكه‌ن, هه‌مووی ده‌رهاویشته‌ی خیانه‌تی گرووپی خیانه‌تكاری یه‌كێتی بوو كه ته‌نها ئێستا ده‌توانین ئه‌سه‌فی بۆ بخۆین و بلێن, ئاخ یه‌كێتی چۆن حه‌یاو بردین له كه‌ركووك كه حه‌شدێكی پێ په‌تی به هه‌موو شێوه‌یه‌ك بێ رێزی به پیرۆزیه‌كانی كورد ده‌كات.
