به وێنه.. رووداوێكی هاتوچۆی سه‌خت له‌سه‌ر رێگای هه‌ولێر-پیرمام روویدا.
بەهۆی رووداوێكی هاتوچۆوە لەسەر ڕێگەی پیرمام – هەولێر، شوفێرێكی ئافرەت بە سەختی برینداربوو و ئۆتۆمه‌بێله‌كه‌شی تووشی زیانێكی زۆر هات و بۆ ماوه‌یه‌كیش ریگای هه‌ولێر-پیرمام وه‌ستا.”
(فازل حاجی) وتەبێژی پۆلیسی هاتوچۆی هەولێر لە پەیجی خۆی له تۆڕی كۆمه‌ڵایه‌تی فه‌یسبوك بڵاویكردۆتەوە.” كه ئۆتۆمبێلێك لەجۆری (ترۆپێری ستێیشن) كە شوفێرەكەی ئافرەت بووە، لە پێچەكانی پیرمام بەرەو كۆڕێ شۆڕ دەبێتەوەو كۆنترۆڵی خۆی لەدەست دەدات و خۆی دەكێشێت بە گاردێلی ڕێگاكەو لەئەنجامیشدا شیش و ئاسنی گادرێلەكە ئۆتۆمبێلەكەی بڕیوەو گەیشتۆتە جەستەی شوفێرەكەو بەسەختی برینداری كردووە.
ئەمەو دوای گەیشتنی تیمەكانی فریاگوزاری تواندراوە شوفێرە ئافرەتەكە لە ئۆتۆمبێلەكەی دەربهێندرێت و ڕەوانەی نەخۆشخانەی فریاكەوتن بكرێت.”
