عەلی تەتەر: هەرێم باشترین نموونەیە لە جیهانێ بۆ پەیداکرنا پێکڤەژیانێ
بەرپرسێ لقێ هەشتێ پارتی دیموکراتی کوردستان ل زاخۆ راگەهاند، هندەک فراکسیونێن کوردی دجڤاتا نوونەرێن عیراقێدا دخولێن بورێدا بەرۆڤاژی پەرژەوەندیا بالا یاهەرێما کوردستانێ کارکریە و بووینە دۆژمنێن سەرەکی بۆ پەرژەوەندیێن مافێن رەوایێن مللەتێ کوردستانێ و تاکە لیستا ل بەغدا دشێت ب دلسۆزی بەرەڤانیێ ژمافێن گەلێ کوردستانێ بکەت پارتی دیموکراتی کوردستانە،
د.عەلی تەتەر، بەرپرسێ لقێ هەشتێ پارتی ل زاخۆ و دهەمان دەمدا ئەندامێ جڤاتا سەرکردایەتیێ راگەهاند:” هێشتا ئەم ژ چارچوڤەیێ عێراقێدا دژین و هەرێما کوردستانێ پشکەکە ژدەولەتا عیراقێ، ژبەر هندێ پشکداریکرن دهەلبژارتنێن جڤاتا نوونەرێن عیراقیدا گرنگیەکا مەزن هەیە، جونکە ئەم دزانین دخولێن بورێدا هندەک فراکسیونێن کوردی بەرۆڤاژی پەرژەوەندیا بالا یاهەرێما کوردستانێ کارکریە و بووینە دۆژمنێن سەرەکی بۆ پەرژەوەندیێن مافێن رەوایێن مللەتێ کوردستانێ، تاکە لیستا ل بەغدا دشێت ب دلسۆزی بەرەڤانیێ ژمافێن گەلێ کوردستانێ بکەت پارتی دیموکراتی کوردستانە، ژبەر هندێ ئەم یێ خەلکێ خۆ پالددەین پشکداری دهەلبژارتناندا بکەن، داکۆ جهی بۆ وان کەسێن خیانەت ل دەنگدەرێن کورد کری ڤالا نەکەین و نەهێلین بدلێ خۆ یاسایان دەربێخن و کارتێکرنێ ل پەرژەوەندیێن کوردستانیان بکەن”.
بەرپرسێ لقێ هەشتێ پارتی دیموکراتی کوردستان ل زاخۆ بەحسکر:” هەرێما کوردستانێ شیایە ببیتە باشترین نموونە نەک لسەر ئاستێ عیراقێ بەلکو لسەر ئاستێ رۆژهەلاتا ناڤین و جیهانێ بۆ پەیداکرنا ئێمناهی و ئارامیێ و متمانەیا خەلکی ل هەرێما کوردستانێ هەیی لژێر سیبەرا حکومەتا خۆ دبەتە سەر باشترین گرۆڤەیە کۆ پارتی شیایە وی گەش و هەوایی دروست بکەت کۆ نەبتنێ کورد تێدا ب ئازادی دژین بەلکو بوویە دەڤەرەکا ئارام بۆ هەمی ئاین و ئول و نەتەوا و پێکڤەژیانێ لڤی وەلاتی زال بکەت، باشترین نموونە ژی دەمێ ژیانا کوردێن ئیزیدی و تورکمان و عەرەب و سیریان و ئاشوری… هتد ل عیراقێ کەفتیە بەر مەترسیێ پەنا بۆ هەرێما کوردستانێ ئینا، ژبەر هندێ ب باوەری ڤە دبێژم ئەو ئارامیا ل هەرێما کوردستانێ پەیدا ل کێم وەلاتێن ئورۆپی و ئەمریکا هەیە”.
دکتوری خویاکر ژی:” کوردستانیان پێدڤی ب ئێکدەنگ و ئێکرێزیێ لبن بانێ جڤاتا نوونەران ل عیراقێ هەیە، بەلێ لسالا 2017ێ مە دیت پارتی دیموکراتی کوردستان بتنێ ما دگۆرەپانێدا و شیا کوردستانێ ب پارێزیت، دیسان تشتەکێ سرۆشتیە لایەنێن سیاسی بۆ روژا سندوقێن دەنگدانێ هەڤریکیێ بکەن، بەلێ دخوازین ل بەغدا دئێکگرتی بن بۆ بهێزکرنا سەنگا کوردان”.
