یوسف محهمهد 69 كهس به مانگانهی 6 ملیۆن دینار دادهمهزرێنێت

خواكوڕك
بهڵگهنامهیهكی سهردهمی دهسهڵاتداریهتی بزووتنهوهی گۆڕان له پهرلهمانی كوردستان ئاشكرادهبێت و تیایدا یوسف محهمهد سهرۆكی ئهوكاتی پهرلهمان 69 كهس بهنایاسایی دادهمهزرێنێت و بهشێكیشان جگهله خانهنشین كردنیان، دووباره بهشێوهی گرێبهست دامهزراونهتهوه.
بهپێی ئهو بهڵگانهی له ههفتهنامهی وشه بڵاوكراونهتهوه، جیا لهو ژماره زۆرهی راوێژكار كه پهرلهمان ههیهتی، 83 كهسی دامهزراندووه كه 69یان ههمیشهیی و 14 كهسیش بهشێوهی گرێبهست، لهو ناوانهدا 10 دانهیان به روونی نووسراوه راوێژكار كه مووچه و ئیمتیازاتیان مانگانه دهگاته 6 ملیۆن دینار، جیا لهوهی ژمارهیهكیان پهرلهمانتاری پێشوو بوونه و خانهنشینی پهرلهمانتار وهردهگرن و گرێبهستی 5 ملیۆن دینارییان له پهرلهمان بۆ كراوه.
بڵاوبوونهوهی ئهو باڵگانه دوای ئهوهدێت كه بزووتنهوهی گۆڕان بانگهشهی رووبهرووبوونهوهی گهندهڵی و داوای چاكسازی دهكات، كهچی لهماوهی رابردوو چهندین بهڵگه بڵاوكراونهتهوه لهسهر دامهزراندن و پێدانی ئیمتیازات لهلایهن ئهو بزووتنهوهیه به ئهندام و كهسه نزیكهكانی خۆیان.