كه‌لار .. گۆڕان به‌چه‌كه‌وه هه‌ڵده‌كوتنه سه‌ر بنكه‌یه‌كی ده‌نگدان
به گوێره‌ی گرته ڤیدیۆییه‌ك كه بۆ “خواكوڕك” نێردراوه لایه‌نگرانی بزوتنه‌وه‌ی گۆران به‌چه‌ك هه‌ڵده‌كوتنه سه‌ر بنكه‌یه‌كی ده‌نگدان له‌كاتی ده‌نگدانی تایبه‌ت.
ئه‌مرۆ 10ی 5ی 2018 له قه‌زای كه‌لار له بنكه‌ی “كوردستانی نێوین” لایه‌نگرانی گۆڕان، به پێچه‌وانه‌ی رێنماییه‌كانی كۆمیسیۆنی باڵای سه‌ربه‌خۆی هه‌ڵبژاردن، به‌چه‌كه‌وه هه‌ڵده‌كوتنه سه‌ر بنكه‌یه‌كی ده‌نگدان ،په‌لاماری پۆلیسیشان داوه، كه بۆ پارێزگاری بنكه‌كه له شوێنه‌كه بوون.
وێڕای درووستبوونی گرفتی ته‌كنیكی له پرۆسه‌ی ده‌نگدانی تایبه‌ت، بۆ هه‌ڵبژاردنی ئه‌نجوومه‌نی نوێنه‌رانی عێراق به‌ڕێوه‌چوو و بڕیاریشه ده‌نگدانی گشتی دوو سبه‌ی 12ی ئایاری 2018 به‌ڕێوه‌بچێت.
