له‌سه‌ر داوایی قاسم سولێمانی به‌غدا پێش هه‌ڵبژاردن، 25 ملیۆن دۆلاری داوه‌ته گۆڕان و كۆمه‌ڵ
به‌گوێره‌ی سه‌رچاوه‌یه‌ك نزیك له لاهور جه‌نگی قاسم سولێمانی داوایی له به‌غدا كردووه، كه بۆ بانگه‌شه‌ی هه‌ڵبژاردن به‌غدا هاوكاری ” گۆڕان و كۆمه‌ڵ” بكرێت، بۆ ئه‌وه‌ی كه‌مپینی هه‌ڵبژاردن، 12ی 5ی ئه‌مساڵی پێ به‌رێوه ببه‌ن”.
سه‌رچاوه‌یه‌كی ئاگاداره‌و نزیك له لاهور جه‌نگی، به‌خواكوڕكی راگه‌یاندووه، كه له‌سه‌ر داوایی قاسم سولێمانی، كه ئاراسته‌ی هادی عامری و عه‌بادی كراوه، كه حكومه‌تی به‌غدا (25 ملیۆن دۆلار) بۆ كه‌مپینی هه‌ڵبژاردن كه ئه‌م پاره‌یه له 3ی 4ی 2018 راده‌ستی هه‌ر دوو حزب كراوه”.
سه‌رچاوه‌كه گوتیشی پاره‌كه له‌لایان ( وشیار عه‌بدولڵا و ئه‌حمه‌دی حاجی ره‌شید) وه‌رگیراوه و واژوو له‌سه‌ر په‌ری وه‌رگری پاره‌كه كراوه، كه ئه‌م پاره‌یه بۆ هه‌ڵمه‌تی هه‌ڵبژاردن و هاوكاری میدیایی هه‌ردوو حزب كراوه، كه مه‌رجه‌كانیش بریتین له دژایه‌تی كردنی دروشمی سه‌ربه‌خۆخوازی و ریفراندۆم و ته‌واوی مه‌به‌سته‌كانی سه‌ربه‌خۆ خوازی كه پارتی ده‌یه‌وێت له‌ئامانج و ئاراسته‌ی خه‌ڵكی كوردستان هه‌بێت و بانگه‌شه‌ی بۆ بكات”.
