پارتی به‌هیچ شێوه‌یه‌ك سه‌رۆككۆمار نادرێته‌وه به‌یه‌كێتی و ئیستحقاقی هه‌ڵبژاردنی خۆمانه
سه‌رچاوه‌یه‌ك له پارتی دیموكراتی كوردستان ئاشكرای ده‌كات، كه پارتی دیموكراتی كوردستان به‌هیچ شێوه‌یه‌ك سه‌رۆككۆماری عێراق كه بۆ كورده، نادرێته‌وه به‌یه‌كێتی و ئیستحقاقی هه‌ڵبژاردنی پارتی دیموكراتی كوردستانه”.
پێشتر سه‌عدی ئه‌حمه‌د پیره رایگه‌یاند، كه سه‌رۆككۆمار بۆ یه‌كێتی نیشتمانی كوردستانه، به‌ڵام سه‌رچاوه‌كه‌ی پارتی ده‌لێت، پارتی له‌سه‌ر ئاستی كوردستان یه‌كه‌مێكی بێ ركابه‌ره، له‌ناو كوردیش سه‌رۆككۆمار بۆ یه‌كه‌م حزبه، بۆیه پارتی به‌هیچ شێوه‌یه‌ك ئاماده نیه سه‌رۆككۆمار بدرێته‌وه، یه‌كێتی له چوارچێوه‌ی به‌رژوه‌ندی ئێران و ده‌سه‌ڵاتی شیعه به‌كار بهێنێت، ئه‌مه كۆتایی هاتووه”.
له‌باره‌ی سه‌رۆكی هه‌رێمی كوردستانیش پارتی ده‌لێت له‌رێگای سندووقی ده‌نگدان، هه‌ركه‌سێك ویستی ده‌توانێت ده‌نگ بهێنێت و ئه‌و پۆسته به‌ده‌ست بهێنێت، چونكه له‌ماوه‌ی رابردوو سه‌رۆكایه‌تی هه‌رێمی كوردستن له‌لایان یه‌كێتی وه‌ك گۆڕان و ئۆپزسیۆنه‌كان، هێرشی كراوه‌ته سه‌ر پارتی، بۆیه له‌وه ده‌رچووه سه‌رۆك كۆمار بۆ یه‌كێتی بێت و سه‌رۆكی هه‌رێم بۆ پارتی بێت، ئێستا به‌پێی ئیستحقاقی هه‌ڵبژاردن، ده‌نگی خه‌ڵكه، كێ سه‌رۆكی هه‌رێمی برده‌وه پیرۆزی بێت”.
